Gimet 19:16 - U Maganda A Baheta Ni Jesu-Cristo

¹⁶ Sakay bigla hide a linuksuwan nu lállake a nasaniban nu madukás a ispirito. Natalo na hide a atanan sakay tináttalinguwan tulos na a pinisad-pisad u babadu de hide kanya eklas hide a gimminan ti itod a bilay.

Gimet 19:16 Σταυροειδείς Αναφορές

Markos 5:15

Tu káddemát de tu kán Jesus ay netan de u lállake a sináddáp ni madukás a ispirito a mággetnod nakabadu dán sakay mahusay dán siya. Nikuna a ketan nu tolay hide ay nanteng hide.

Lukas 8:29

Kinagi na iye dipo inutusan ni Jesus u madukás a ispirito a lumakad nikuna. Nalay dán siya a sassaddappan nu madukás a ispirito. Kaya maski ni pakababantayan sakay punguwán ti kadena u tika-tikád na sakay u kama kamát na ay bágsután na la. Sakay iyáangay siya nu madukás a ispirito tu adeyo a lugar.

Lukas 8:35

Kaya immangay hod u tolay hide para ilingán u nangyare. Tu káddemát de tu kán Jesus ay netan de u tolay a date a sináddáp ni madukás a ispirito. Mággetnod tu atubang ni Jesus a nakabadu sakay matino dán u isip na. Kanya neántingan hide a atanan.

Gimet 19:15

Pero tinábbeg hide nu mágkadukás a ispirito, “Matengge ko ti Jesus sakay matengge ku be ti Pablo. Pero dideya kam?”

Gimet 19:17

Nabaheta iye nu atanan a mágyan ti Efeso, Judio ay ti Griego; kanya nanteng hide a atanan sakay pinure de u ngahan nu Panginoon a ti Jesus.

Gimet 3:8

Limmukso siya sakay naglakad. Káttapos ay nákkuyog siya a simmáddáp tu templo. Diri-diretso u páglakad na sakay limmukso a nagpure tu Diyos.

2 Pedro 2:19

Ipáppananto de u kalayaan tu tolay hide a maakit de, pero mismo hide ay alipin nu kasalanan a mángpahamak nide. Dipo u tolay ay alipin nu ányaman a bagay a mangpugád nikuna.