Gimet 17:5 - U Maganda A Baheta Ni Jesu-Cristo

⁵ Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 17:5 Σταυροειδείς Αναφορές

Mateo 27:18

Dipo tukoy ni Pilato a seni u dahilan de ni bakin a inyangay de nikuna ti Jesus.

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 17:6

Nikuna awan di netan u duwwa ay binehbeh de ti Jason sakay u agum a mánnampalataya sakay inyangay de hide tu puno nu banuwan. Konna he u ipáppákhaw de, “Iye hide a tolay ay manggagolo maskin hádya hide angayan sakay nadid ay atoy dán he hide ti banuwan tamáy!

Gimet 17:7

Kanya pinatulos hide ni Jason tu bilay na. Sinuway de a atanan u utus nu Emperador. Kinagi di pa a tehhod a iba a hare a ngahan naay ay ti Jesus.”

Gimet 17:9

Bagu a pinaluwas nu puno hide ti Jason sakay tu agum na hide ay pinagbayad di hide ti piyansa.

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 19:40

Dilikadu kitam ti nangyariyáy nadid a aldew bakay ni sihiyán di kitam ay awan kitam ti mekatuwiran ni bakin nagkagulo i banuwan tamáy.”

Gimet 7:9

Pero, simmene ni Jose u agum na a kákkapatkákka a anak ni Jacob kanya inlako de siya a alipin ti Egipto. Pero konna pa man hod ay awan siya pinabayan nu Diyos.

Roma 16:21

Ti Timoteo a kaguman ko a magserbi tu Panginoon ay mákkumusta be nikam, sakay di Lucio, Jason sakay ti Sosipatro a kapareho ko hide a Judio.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

2 Corinto 11:26

Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.

Galacia 5:21

Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

Galacia 5:26

Diyan kitamon magin palalo, diyan tam pagiyamután u kapatkákka tam, sakay magsállapan.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

Santiagu 4:5

Dyan moy isipán a awan ti seserbi u kinagi tu Kasulatan a, “Umád nu Banal a Ispirito a pinágyan nikitam nu Diyos a te kaagew tu págmahal tam.”