Gimet 17:3 - U Maganda A Baheta Ni Jesu-Cristo

³ impaliwanag na sakay pinatunayan na a dapat pa a magdanas ti hirap u Cristo sakay mabiyag a huway. Kinagi na a, “Ti Jesus a ibábbaheta ko nikam ay siya u Cristo!”

Gimet 17:3 Σταυροειδείς Αναφορές

Lukas 24:32

Nakagi de, “Kaya bál a konna dálla hod u sahat tam mentaras a mákpágguhon sakay makánpaliwanagán nikita tu Kasulatán.”

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Juan 20:9

Dipo awan di palla naintendiyan u nakasulat tu Kasulatan a kailangan talaga mabiyag a huway ti Jesus.

Gimet 1:4

Essa aldew mentaras kuman hide a kaguman ni Jesus ay kinagi na, “Dyan kam pa lumakad ti Jerusalem. Uhayán moy u Banal a Ispirito a inpananto nu Diyos Ama. Kinagi ko dán iye nikam tu itod.

Gimet 18:28

Dipo tunay siya ti husay a nagpaliwanag ay awan siya nadaig nu Judio hide tu atubang nu katolayan. Pinatunayan na nide tu pamamag-itan nu Banal a Kasulatan a ti Jesus u Cristo.

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Gimet 9:22

Pero lalo pa a nagin malalake ti Saulo tu pángngaral na, kanya awan dán tukoy nu Judio hide a mágyan ti Damasco ni ánya itábbeg diyay tu págpatunay na a ti Jesus ay u Mesias.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!