Gimet 16:26 - U Maganda A Baheta Ni Jesu-Cristo

²⁶ Sakay bigla dálla a naglinog ti mabegsak sakay nayanág u pundasyon nu págpiresuwan. Nabukasan u atanan nu pintuwan nu piresuwan sakay naokbis u kadena nu atanan a pireso.

Gimet 16:26 Σταυροειδείς Αναφορές

Mateo 28:2

Káddemát de hod ay bigla a naglinog ti mabegsák dipo ummogsad gábwat ti langet u essa a anghel nu Panginoon. Ingulong na u bito a nakatakáp tu lábbang sakay immetnud tu dibbew na.

Gimet 12:10

Nalampasan de u purumero sakay u kaduwwa a guwardiya sakay nakademát hide tu pintuwan a bakal a lálluwasan a patamo tu banuwan. Kusa iye a bimmukas kanya limmuwas hide. Kállipas de tu essa dilan ay bigla dálla a nawan u anghel.

Gimet 12:7

Nadid, bigla dálla a te pimmeta a anghel nu Panginoon, kaya nagdemlag ti husto u piresuwan. Kinuyág-kuyág na u wahes ni Pedro para malukag. Kinagi na, “Umikat ka, magalisto ka!” Sakay pagdaka a naokbis u kadena tu kama-kamát na.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 5:19

Pero nikuna gibi dán ay binukasan nu anghel nu Panginoon u kulungan sakay inluwas na u apostol hide. Kinagi na nide,

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 6:12

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige.