Gimet 13:2 - U Maganda A Baheta Ni Jesu-Cristo

² Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 13:2 Σταυροειδείς Αναφορές

Mateo 17:21

Pero u konna hod a kalase a demonyo ay awan mapalakad ni awan tu pamamagitan nu págdasal sakay págkulasyon.”

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 9:38

Ipagdasal moy tu Panginoon a makákkao tu ani a magpatawed ti maggapas hide tu ani.”

Lukas 10:1

Nadid, káttapos ni itod ay nángpile dámman u Panginoon ti pitto a pulo ay ti duwwa a disepulus. Sakay pinágdipalongo na hide ti tágdaduwwa a umangay tu balang banuwan sakay tu lugar a angayan na.

Lukas 2:37

sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal.

Gimet 10:19

Aisipán padla ni Pedro u gusto a kagiyán nu pangitain nikuna kagiyan siya nu Banal a Ispirito, “Te tállo a lállake a magehyok niko.

Gimet 10:30

Kinagi ni Cornelio, “Áppat dán a aldew u nakalipas tu konna labe he a odas, nagdasalák ti bilay miyáy nikuna bigla timmaknág tu atubang ko u essa a lállake a magdemlag u damit na.

Gimet 13:3

Káttapos de a magkulasyon sakay magdasal ay intupo de tu duwwa u kamát de sakay pinaghektat di dán hide.

Gimet 13:4

Nadid, inyutus nu Banal a Ispirito di Bernabe ay ti Saulo a umangay ti Seleucia. Sapul hod ay nággabeng hide tu dakal a abeng a paangay ti Chipre a dakál a puduk.

Gimet 14:26

Sapul ti Atalia ay nággabeng dán hide a pasole ti Antioquia. Dipo u mánnampalataya hod u nagdasal a tulungan hide nu Diyos tu gawain de. Kanya, nagsoli hide ti Anntioquia dipo natapos di dán u gawain de.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Gimet 6:4

Para ilaan me be u panahun me tu págdasal sakay tu pángngaral tu Upos nu Diyos.”

Gimet 8:29

Sakay kinagi nu Banal a Ispirito ni Felipe a, “Máksabay ka ran ti sasakyanan itona.”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 10:15

Sakay kodya a makapangaral u deyaman ni awan siya inutusan? Ayun tu Kasulatan, “Anya dámben ti ganda a áelingán u pademát hide a magtoldu tu Maganda a Baheta.”

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Galacia 1:15

Pero tu kagbi nu Diyos ay piniliyák na dán a magin tagapagserbi na, baguwák pa a neenák.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Colosas 4:17

Sakay kagiyán moy pay ni Arquipo a itulos-tulos na u gawain a tinanggap na tu Panginoon.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

2 Timoteo 1:11

Piniliyák na a apostol sakay tagapagtoldu para mepahayag ko u Maganda a Baheta.

2 Timoteo 2:2

Sakay u nasaneg mo nikán tu harap nu makpal a tistigu ay itoldu mo be tu mapagkatiwalaan hide a tolay tánni metoldu di be tu agum.

2 Timoteo 4:11

Ti Lukas dálla i nawahakay a kaguman ko nadid, ehyukán mo ti Markos sakay ikuyog mu he, dipo dakál u metulung na tu pagserbi ku he tu Panginoon.

2 Timoteo 4:5

Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

Hebreo 5:4

U karangalan nu pagiging pinuno a saserdote ay awan maangkin nu deyaman tu sadile nala a kagustuwan. Dipo u Diyos u nangpile nikuna a konna tu pángpile na ni Aaron.