Gimet 11:3 - U Maganda A Baheta Ni Jesu-Cristo

³ Kinagi de, “Bakin náktulos ka tu bakán hide a ture a Hentil, sakay nákkan ka pa nide?”

Gimet 11:3 Σταυροειδείς Αναφορές

Mateo 9:11

Nikuna netan iye nu Pariseo hide ay tinanung de u disepulus ni Jesus, “Bakin a pumisan a kuman u tagapagtoldu moy tu tagakolekta tu buwes sakay tu makasalanan hide?”

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Gimet 10:23

Pinatulos hide ni Pedro sakay hod na dán hide a pinatidug ti gibiyan itod. Tu kadimadimangan ay nákkuyog siya nide, sakay kaguman u sangan a mánnampalataya a taga-Joppa.

Gimet 10:28

Kinagi na, “Tukoy moy a bawal tu relihiyon me a Judio u mákpisan oni bumisita tu bakán a Judio; pero inpeta nikán nu Diyos a maskin deya man ay dyan ko ituring a madangát oni awan karapat-dapat.

Gimet 10:32

Ipaangay mo ti Simon tu banuwan a Joppa, u ngángngahanan di labe a Pedro. Náktulos siya tu bilay ni Simon a máglinis ti koblet ni hayup a gimitán a gagamit, adene tu diget u bilay na.’

Gimet 10:48

Sakay inyutus na a bawtismuwan hide tu ngahan ni Jesu-Cristo. Sakay impákpágguhon de ni Pedro a mákpágyan pala hod ti sangan a aldew.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

Galacia 2:12

Ta dipo nikuna a awan palla u sasangan a tolay a inutusan ni Santiago ay kaguman siya a mákkan tu Hentil hide. Pero nikuna a dimmemát hide ay bimmukod siya tu Hentil hide. Ginimet na itod dipo manteng siya a te makagi u kaparehas na hide a Judio, lalu dán u Judio hide a sumássunud palla tu ugale de a págpature.

2 Juan 1:10

Ni te dumemát nikam a tolay a te iba a toldu ay dyan moy siya tanggapán tu bilay moy oni uhunán,