Gimet 1:9 - U Maganda A Baheta Ni Jesu-Cristo

⁹ Pákkakagi na ti iye, ay mágga-oontok dán siya a patamo ti langet. Mentaras umáeleng hide nikuna a paontok, ay tinakáppan siya nu diklám sakay agad siya a nawan tu pangileng de.

Gimet 1:9 Σταυροειδείς Αναφορές

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Lukas 21:27

Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag.

Juan 6:62

Kodya dán wád ni ketanák moy a Anak nu Tolay a paontok a pasole tu ginábwatan ko?

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

Gimet 1:2

hanggan tu aldew a simmole siya ti langet. Bagu siya a simmole ti langet ay binilinan na u pinile na hide bilang apostol tu pamamag-itan nu Banal a Ispirito. Káttapos nu pághirap na ay pimmeta siya nide ti sangan a beses, tánni patunayan na a biyag siya. Pimmeta siya nide tu alay nu kuwarenta a aldew sakay nagtoldu tungkul tu pághare nu Diyos.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 11:12

Káttapos ay nasaneg de a nagupos u tunay a begsák a boses a gábwat ti langet, “Sumangkay kam he!” Summangkay ngane hide ti langet a nakasakay tu panganurin mentaras a umáeleng nide u kadima de hide.

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.