Galacia 4:4 - U Maganda A Baheta Ni Jesu-Cristo

⁴ Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Galacia 4:4 Σταυροειδείς Αναφορές

Mateo 1:23

I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”)

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Mateo 5:17

Kinagi pa ni Jesus nide “Dyan moy isipán a immangayák he para ibutan u Kautusan ni Moises oni u intáttoldu nu Propeta hide a upos nu Diyos. Awanák immangay he para ibutan hide nan ipaliwanag sakay tupadán iye hide.

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

Lukas 1:31

Mágsaneg ka! Magbuktet ka sakay magenak ti essa a lállake a anak sakay ngahanan mo siya a Jesus.

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Lukas 2:7

Inyenak na u panganay na a anak a lállake. Binalutan na ti lampen u anak sakay pinakatdug na tu bahahungan, dipo awan dán hide ti tulusan dipo putat dán u págkaseruwan hide a bilay.

Lukas 20:44

Nadid, ti David dán u nagdulaw nikuna a Panginoon; bakin wád a kákkagiyán nu tolay hide a anak siya ni David?”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Gimet 1:7

Timmábbeg ti Jesus, “Awan moy kailangan a matukuyan u panahun oni odas a intakda nu Diyos Ama ni nikán a mangyare u bagay hide a itod.

Roma 1:3

ay tungkul tu Anak na, u Panginoon tam a ti Jesu-Cristo. Nikuna a nagin tolay siya ay neenak siya a gábwat tu lahe ni hare a David.

Roma 15:8

Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

Roma 5:6

Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Roma 9:5

U ninuno de hide ay pinile nu Diyos sakay u lahe de u ginábwatan ni Cristo nikuna a nagin tolay siya, u Diyos a makapangyariyan tu atanan sakay dapat a papuriyan a hanggan-hanggan! Amen.

Efeso 1:10

káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Colosas 2:14

Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.

1 Timoteo 2:6

Siya u náng-atád tu sadile na a biyag tánni tubusán u atanan a tolay tu kasalanan de hide. Iye ay nangyare tu tama a panahun a intakda nu Diyos a nangpatunay tu kagustuwan nu Diyos a maligtas u atanan a tolay.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

1 Juan 4:2

Iye u pakatukuyan tam ni u Ispirito ngane nu Diyos u katoy nide: Ni kagiyan de a nagin tolay ti Jesu-Cristo.