Filipos 3:6 - U Maganda A Baheta Ni Jesu-Cristo

⁶ Dipo ngane tu kássunud ko tu Kautusan ay pináppahirapan ko u mánnampalataya hide tu itod. Kaya ni tungkul tu pagkamatuwid ayun tu Kautusan ay awan kam ti makagi nikán.

Filipos 3:6 Σταυροειδείς Αναφορές

Mateo 23:25

Kakagbi kam, maisto hide nu Kautusan ni Moises sakay Pariseo hide! Mapagkunware kam! Lalinisán moy u luwas nu tasa sakay nu penggan moy pero u disalad nu puso moy ay putat ti daya, dámmot sakay págsamantala.

Mateo 5:20

Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Gimet 21:20

Nikuna masaneg di iye ay nagpure hide tu Diyos. Sakay kinagi de ni Pablo, “Tukoy mo kapátkákka, tehhod dán a sangan a libu a Judio u summampalataya ni Jesus pero atanan de ay masigasig pade a sumunud tu Kautusan ni Moises.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Gimet 26:5

Nalay di dán a tukoy, sakay hide dán u makapagpatunay ni gustuwán di la, a sapul pa ti sapul ay kabilangák dán tu pinakaistrikto a sekta a relihiyon me ta nabiyagák bilang essa a Pariseo.

Gimet 8:3

Pero tu pagkagusto ni Saulo a sidaán u mánnampalataya hide ay sináddáp na u bila-bilay sakay dinakap na u mánnampalataya hide sakay inkulung na, bábbey man oni lállake.

Roma 7:9

Nikuna a mabiyagák a awan ti Kautusan. Pero nikuna a matukuyan ko u Kautusan, sakay natukuyan ko a makasalananák bál sakay nahatulan ti kamatayan.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 15:9

Dipo hikán u pinakamababa tu atanan a apostol; awanák karapat-dapat a madulawan a apostol, dipo pináppahirapan ko u mánnampalataya hide.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.