Filipos 2:1 - U Maganda A Baheta Ni Jesu-Cristo

¹ Nadid, dipo makapangatád ti begsák isip u biyag moy a nakaugnay ni Cristo, sakay tehhod kam a kasayaan tu págmahal na, sakay nákpagkaessa kam tu Banal a Ispirito, sakay te soh kam a tumulung tu agum,

Filipos 2:1 Σταυροειδείς Αναφορές

Lukas 2:25

Nadid, tehhod a essa a lállake a magyan ti Jerusalem a Simeon u ngahan na. Malinis siya a tolay sakay te ánteng tu Diyos sakay u Banal a Ispirito ay katoy nikuna. Makán uhayán siya ni nikán a dumemát u Cristo a mángligtas tu lahe ni Israel.

Juan 14:18

Awan takam iwahak a awan ti kaguman, soliyák nikam.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Roma 8:26

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

1 Corinto 15:31

Awan ti odas a awanák katoy tu dilikadu a kalagayan, kákkapatkákka! Ni kodya a tatahoden a ipágmadakál takam dipo tu pákpagkaessa tam ni Cristo Jesus a Panginoon tam, tatahoden be i kagiyán kuwan iye!

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

Colosas 3:12

Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

1 Juan 4:12

Maski nikan ay awan palla ti naketa tu Diyos, pero ni magmahalan kitam ay katoy siya nikitam sakay magin ganap nikitam u págmahal na.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.