Filemon 1:8 - U Maganda A Baheta Ni Jesu-Cristo

⁸ Nadid, bilang apostol ni Cristo, ay maare taka a utusan tu dapat mo a gimitán;

Filemon 1:8 Σταυροειδείς Αναφορές

2 Corinto 10:8

Dipo maski susubra dán u págmadakál ko tu kapangyariyan a inyatád nu Diyos nikán ay awanák masanike dipo iye ay pángpasibát tu pánnampalataya moy bakán a para tu kákkepahamak moy.

2 Corinto 11:21

Makasani-sanike man, aminán ko a mahinaák ngane dipo awan ko kaya a gimitán ina! Pero ni tehhod a magmadakál ay makapagmadakállák be maski ni kumánnák a essa a awan ti tukoy.

2 Corinto 3:12

Dipo ti pag-asa miyan iye, ay mabegsák u pággisipan me a ibaheta u upos nu Diyos.

Efeso 5:4

Sakay awan be nerarapat a masaneg nikam u mágkalaswa hide oni awan ti pinagseserbiyan a uhunan sakay tu págbiro a awan nararapat. Nan, magin mapagpasalamat kam tu Diyos.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

1 Tesalonica 2:6

Awan me hinangad a puriyán moy kame oni puriyán nu agum a tolay.