Filemon 1:19 - U Maganda A Baheta Ni Jesu-Cristo

¹⁹ Hikán a ti Pablo i nángsulatay he, hikán i mangbayaday tu ányaman a utang ni Onesimo niko. Pero ni tuusán ay utang mu be nikán u pákkatenggi mo ni Cristo.

Filemon 1:19 Σταυροειδείς Αναφορές

Roma 16:22

Hikán be ti Tercio a mánampalataya be ay mákkumusta be nikam. Hikán u nagsulat ti iye a sulat ni Pablo.

1 Corinto 4:15

Maskin magkahod kam ti sapulo a libo a tagapagtoldu tu kákkabiyag moy bilang Kristiyano, ay eessa padi u meturing a ama moy tu pánnampalataya. Hikán itod dipo hikán u nakasanigan moy tu Maganda a Baheta tungkul ni Cristo Jesus.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 3:2

Hikamon u patunay me, a kumán a nakasulat dán tu puso me. Dipo u kákkabiyag moy ay kumán a sulat a matenggi sakay mabasa nu atanan a tolay.

2 Corinto 9:4

Dipo ni dimmemátták hina sakay ti kákkapatkákka tamáy hide a taga-Macedonia, sakay ketan de a awan kam palla handa, ay mepatagamaák la sakay pati hikam.

Galacia 5:2

Pakatandaan moy i kagiyán kuwáy, hikán ti Pablo u magkagi nikam a ni magpature kam para magin katanggap-tanggap tu Diyos ay mawanan dán ti halaga u ginimet ni Cristo para nikam.

Galacia 6:11

Mapansin moy wád a dáddakkál a letra i págsulat kuwáy, hikán a mismo u nagsulat he.

1 Timoteo 1:2

Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Filemon 1:18

Ni tehhod siya a ginimet a madukás niko oni te utang siya, ay singihán mu dálla nikán.