Efeso 6:9 - U Maganda A Baheta Ni Jesu-Cristo

⁹ Sakay hikam a amo hide, mákpággagum kam ti maganda tu alipin hide. Dyan moy hide pakantingán, dipo tukoy moy a pareho kam la a alipin nu eessa a Panginoon a katoy ti langet sakay pantay u pangileng na tu balang essa.

Efeso 6:9 Σταυροειδείς Αναφορές

Mateo 22:10

Lummuwas ngane hide tu matolay a kakarsada u utusan hide sakay kinuyog u atanan a netan de, mágkadukás sakay mágkabait. Kanya naputat nu bisita hide u lugar a pagkasalan.

Mateo 22:8

Kinagi na tu utusan na hide, ‘Nakahanda dán u handaan, pero awan karapat-dapat u inimbitaan hide.

Mateo 24:48

Pero ni madukás i utusanan itod ay isipan na ‘Malay pa bagu a sumoli u amo ko.’

Mateo 24:51

Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”

Mateo 7:12

Gimitán moy tu agum u gustu mo a gimitán be nu agum niko. Sa itod u kahulugan nu Kautusan ni Moises sakay tu toldu nu Propeta hide.”

Lukas 6:31

Gimitán moy tu agum u gusto moy a gimitán di be nikam.

Juan 13:13

Dáddulawánák moy a Maisto, sakay Panginoon, tama kam dipo ina u tatahoden.

Gimet 10:34

Kanya kinagi ni Pedro, “Nadid ko a natukuyan a pare-pareho u pangileng nikitam nu Diyos.

Roma 2:11

Dipo pare-pareho u pangileng nu Diyos tu atanan a tolay.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 7:22

U essa alipin tu itod a dinulaw nu Panginoon ay nagin malaya dán dipo tu Panginoon. Konna bi hod, u tolay a malaya nikuna dulawán ni Cristo ay nagin alipin dán ni Cristo.

Colosas 3:25

U makasalanan be hide ay parusaan na ayun tu kasalanan de hide dipo u Diyos ay awan ti kampiyan.

Colosas 4:1

Amo hide, magin mabait kam sakay pantay u pángtrato moy tu alipin hide. Alalahanán moy a tehhod kam be a Panginoon ti langet.

Santiagu 2:13

Awan kagbiyan nu Diyos u tolay a awan makákkagbiyán pero u tolay a makákkagbiyán ay awan dapat a manteng tu pághatul nu Diyos.

Santiagu 2:8

Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.

Santiagu 5:4

U tolay hide a pinagtarabaho moy tu araduwan moy ay mágdadaingán tu Diyos dipo awan moy binayaden. Nadid nasaneg dán nu Diyos a makapangyariyan tu atanan u daing de hide.