Efeso 5:9 - U Maganda A Baheta Ni Jesu-Cristo

⁹ Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Efeso 5:9 Σταυροειδείς Αναφορές

Mateo 3:8

Ipeta moy u págsisi moy tu pamamagitan nu págsunud moy tu Diyos.

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Efeso 4:15

Nan manatili kitam tu katutuhanan a tehhod a págmahal tánni tu atanan a bagay ay magin konna kitam ni Cristo a siya u ulo nu atanan nu mánnampalataya hide.

Efeso 4:25

Kanya adággen moy dán u págbule-bule sakay u tatahoden u ikagi moy tu kákkapátkákka moy hide dipo kabilang kitam tu eessa a bággi.

Efeso 6:14

Kaya konna tu essa a sundalo, dapat lagi kam a handa: U tatahoden la u dapat moy a isipán oni kagiyán a magesinturon moy. Sakay dapat u magada la u gimitán moy a kumán a iye u pangtakláb moy tu hakaw moy.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Colosas 3:18

Bábbey hide, pasakup kam tu kákkabanga moy, dipo ina u nerarapat a gimitán bilang mannampalataya tu Panginoon.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

Hebreo 1:8

Pero iye u kinagi na tungkul tu Anak na, “U kahariyan mo, O Diyos, ay awan ti kahád, u pághare mo ay tehhod a katarungan.

Hebreo 11:33

Dipo tu pánnampalataya de tu Diyos, ay tinalo de u kahariyan hide, nabiyag hide ti matuwid sakay natanggap de u inpananto hide nu Diyos sakay napaamo de u liyon hide.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.