Efeso 5:3 - U Maganda A Baheta Ni Jesu-Cristo

³ Dipo pinile kam nu Diyos bilang kao na, ay awan dán dapat a ketan nikam u tungkul tu ányaman a kalase ni pángngibábbey oni pángngilállake sakay kalaswaan.

Efeso 5:3 Σταυροειδείς Αναφορές

Mateo 15:19

Dipo u gábwat tu puso u madukás a isip tu agum, pámmuno, pángngalunya, págtakaw, págsistigo ti kakabuliyan tu agum a tolay sakay págmetmet.

Lukas 12:15

Sakay kinagi na nide a atanan, “Magingat kam tu atanan a kalase ni kakutidan; dipo u tunay a biyag nu essa a tolay ay awan masukat tu kakpal nu yaman na.”

Lukas 16:14

Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Gimet 15:20

Nan sulatan tam hide a diyan kuman tu neatang tu diyos-diyosan; diyan mangibábbey oni mangilállake; diyan kuman tu nabitte a hayup sakay u digi.

Gimet 20:33

Awanák naghangad ti pilak, ginto oni damit tu maskin deya.

Roma 1:29

Kanya nagin alipin dán hide nu atanan a kadukássan, sakay kalokuwan, kasakiman, sakay madukás a isip. Naputat hide ti sene, pámmuno, págtalo-talo, págdaya, sakay págmetmet.

Roma 16:2

Tanggapán moy siya bilang kapatkákka tu Panginoon a konna tu dapat tam a gimitán bilang mátkaka tu Diyos. Tulungan moy siya tu ányaman a kailangan na dipo makpal siya a natulungan sakay essaák dán hod.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

1 Corinto 10:8

Dyan kitam mangilállake sakay mangibábbey a konna tu ginimet nu agum nide. Kaya 23,000 u natay tu essa la a aldew.

1 Corinto 5:1

Nakademát nikán u baheta a essa kan nikam u naggimet ti madangát dipo inagum na u kabanga nu ama na. Maski u awan hide makidiyos ay awan di ina magimet.

1 Corinto 6:13

U kagi be nu agum ay “U makan ay para tu tiyan, sakay u tiyan ay para tu makan.” Tama ina, pero pare-pareho ina a sidaáan nu Diyos. U bággi ay bakán a para tu pángngibábbey sakay pángngilállake nan para tu págserbi tu Panginoon, sakay u Panginoon u bahala a mangalaga tu bággi.

1 Corinto 6:18

Kaya iwasan moy u pángngibábbey sakay pángngilállake. U agum a kasalanan a gággimitán nu tolay ay awan makasida tu bággi, pero u mangibábbey sakay mángilállake ay magkasala tu sadile na a bággi.

2 Corinto 12:21

Mággaisipánnák a bakay káangay ko hina a huway ay mepasanikiyák tu atubang nu Diyos dipo nikam. Makay malungkuták ni tu káddemát ko hina, ay te sangan padi nikam a awan palla nagsise to ginimet de a madukás. Lalu dán tu pángngibábbey sakay tu pángngilállake.

Efeso 5:12

Dipo makasanike a banggitán he u bagay hide a gággimitán de ti lihim.

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

1 Tesalonica 4:3

U gusto la nu Diyos ay magin banal kam sakay umadeyo tu atanan a klase a kadukássan.

1 Tesalonica 4:7

Dinulaw kitam nu Diyos para mabiyag a tehhod a kabanalan bakán a tu kadukássan.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 3:3

Sakay awan siya máglalasingán, awan mágbálbág nan masássohán ti kapayapaan, awan mákpágdadima sakay awan be masássohán ti pilak.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

2 Timoteo 3:2

Káddemát ni panahunan ina ay magin makasadile u tolay hide, gusto diyay ay kaowan de u atanan a pilak, hambug hide. Mágkaseste hide, masássuwayan hide tu dáddakal de, awan hide ti utang a luub, nabusong hide dipo awan hide tumengge tu Diyos.

Tito 1:11

Kailangan a pugáddán mo hide ti gággimitán diyan iye, dipo sássidaán de u bawat pamilya tu pamamag-itan nu itattoldu de a awan dapat a itoldu. Gággimitán di iye para la a magkahod hide ti pilak.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

Tito 2:3

Kagiyán mu be tu bábbekás a mabiyag hide a tehhod a kabanalan, awan mametmet, sakay awan makánlasingán nan hide u dapat a magtoldu tu maganda a ugale.

Hebreo 12:16

Bantayan moy be a awan ti mangibábbey oni mangilállake tu maskin deya nikam, oni awan pahalagaan u bagay hide a ispiritwal, konna ni Esau a impalit na ti essa a penggan a makan u karapatan na bilang panganay.

1 Pedro 5:2

a alagaan moy hide ti maayus u pinile hide nu Diyos a inpagkatiwala na nikam. Alagaan moy hide a konna tu pággalaga nu pastol tu tupa na hide. Pospusán moy hide a maluwag tu isip moy dipo itod u gusto nu Diyos, bakán a u mapilitan kam la. Gimitán moy u tungkulin moy bakán a tu pangsadile moy a kapiyyaan nan gimitán moy itod dipo gusto moy a magserbi.

2 Pedro 2:10

Lalu dán u sumunud hide tu kagustuwan nu pilas sakay sumássuway tu kapangyariyan nu Diyos. Palalo iye hide a tagapagtoldu a kákkagiyán ko. Awan hide ti ánteng a insultuwán u makapangyariyan hide a linalang ti langet.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Pahayag 2:14

Pero tehhodák a sangan a pangsalaan nikam: tehhod nikam a mangunonod tu toldu ni Balaam. Iye u nangtoldu ni Balak para igiyya na u Israelita hide a magkasala. Kaya kinuman hide tu makan a nealay tu diyos-diyosan hide sakay naggimet ti mágkahalay a gimet.

Pahayag 2:21

Inatádden ko siya ti pagkakataun para magsise sakay adággen u madukás na a kákkabiyag, pero umád na.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.

Pahayag 9:21

Awan di be ngane pinagsisiyan u pámmuno, págdipoh, u pángngibábbey oni pángngilállake oni págtakaw de.