Efeso 4:9 - U Maganda A Baheta Ni Jesu-Cristo

⁹ Ánya u gusto kagiyán nu “Summole siya ti langet?” U gusto kagiyán ni ina ay summidung pa siya ti lutaáy.

Efeso 4:9 Σταυροειδείς Αναφορές

Mateo 12:40

Konna ni Jonas a tállo a aldew sakay gibi a hod tu disalad nu tiyan nu dakál a tahod a ikan, ay hikán a Anak nu Tolay ay tállo be a aldew sakay gibi tu disalad nu luta.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Juan 3:13

Awan ti maski ni ti deya man u nakaangay ti langet liban nikán a Anak nu tolay a gábwat ti langet.”

Juan 6:33

Dipo u makan a gabwat ti langet a inyatad nu Diyos ay awan ti iba nan u immogsad la a gábwat ti langet, siya u makapangatád ti biyag tu tolay hide ti munduway.”

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Juan 6:41

Nadid ay namágganasasan u Judio hide dipo tu kinagi ni Jesus a siya u tinapay a gábwat ti langet.

Juan 6:51

Hikán u makan a mangatad ti biyag tu tolay, a immogsad he a gábwat ti langet. Mabiyag hanggan-hanggan u ti deyaman a kuman ti iye. Sakay u iyatád ko a makan a ikabiyag nu tolay ti munduway ay u bággi ko.”

Juan 6:58

Hikán u makan a gábwat ti langet. Iye ay bakán a kapareho nu mana a kinan nu ninuno moy hide, dipo natay labe hide maski ni kimman hide ti itod. Pero u ti deyaman a kuman ti makanan iye ay mabiyag a hanggan-hanggan.”

Juan 6:62

Kodya dán wád ni ketanák moy a Anak nu Tolay a paontok a pasole tu ginábwatan ko?

Juan 8:14

Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan.

Hebreo 2:7

Ginimet mo u tolay a mas mababa tu anghel mo hide tu sabadit a panahun, pero pinagkaluuben mo siya ti kadakilaan sakay karangalan.

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.