Efeso 4:6 - U Maganda A Baheta Ni Jesu-Cristo

⁶ U Diyos ay eessa la sakay siya u Ama tam a atanan. Siya u kataasan tu atanan. Magahikad siya nikitam sakay mágyan nikitam a atanan.

Efeso 4:6 Σταυροειδείς Αναφορές

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Mateo 6:9

Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo.

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 17:26

Inpatengge taka nide, sakay tulos-tulos ko iye a gimitán para u págmahal mo nikán ay hod be nide sakay hikán be ay hod nide.”

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Roma 11:36

Dipo u atanan a bagay ay gábwat nikuna, sakay linalang na iye hide tu pamamag-itan na sakay para nikuna. Puriyán u Diyos a magpakahanggan! Amen.

1 Corinto 12:6

Sakay tehhod be a iba-iba u ipagimet u Diyos tu balang essa nikitam pero u Diyos labe u nángkaluub tu kakayanan para gimitán iye hide.

1 Corinto 8:6

para nikitam ay eessa la u Diyos, u Ama a nanglalang tu atanan a bagay, sakay biyag kitam para nikuna. Eessa u Panginoon, ti Jesu-Cristo: tu pamamag-itan na ay nilalang u atanan a bagay sakay tu pamamag-itan na ay biyag kitam.

2 Corinto 6:16

U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.

Efeso 1:21

Kanya sakup nu kapangyariyan ni Cristo u atanan a pághare, pámmahala, kapangyariyan, sakay pámmuno. Siya u pinakamataas a ngahan, bakán la ti panahunan iye nan pate tu pademát pa.

Efeso 2:22

Dipo tu pákpagkaessa moy nikuna, ay kaguman kam be tu páppágyanan nu Diyos tu pamamag-itan nu Ispirito.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Efeso 6:23

Kákkapatkákka ko hide, nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, págmahal tu balang essa sakay pánnampalataya moy nikuna.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.