Efeso 4:4 - U Maganda A Baheta Ni Jesu-Cristo

⁴ Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Efeso 4:4 Σταυροειδείς Αναφορές

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Gimet 15:11

Pero maniwala kitam a naligtas kitam tu pamamag-itan nu habag nu Panginoon a ti Jesus, konna be nide.”

Roma 11:29

Dipo u Diyos ay awan magbabagu ti isip tu págpile na sakay págpapala.

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 12:20

U tatahoden ay mákpal a parte, pero nabuo iye ti essa la a bággi.

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 2:16

Nadid, eessa kitam dalla a baggi tu pamamag-itan nu kákkatay na tu kudus; inibutan na u iyamut nu duwwa a lahe tu balang essa sakay pinagkasundu na kitam tu Diyos.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 2:22

Dipo tu pákpagkaessa moy nikuna, ay kaguman kam be tu páppágyanan nu Diyos tu pamamag-itan nu Ispirito.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 5:30

dipo hikitam ay bahagi nu bággi ni Cristo.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

1 Timoteo 1:1

Gábwat iye a sulat nikán a ti Pablo a apostol ni Jesu-Cristo ayun tu utus nu Diyos a Tagapagligtas tam sakay ni Cristo Jesus a pag-asa tam.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Tito 3:7

Sakay nadid ay imbilang kitamon nu Diyos a matuwid tu pamamag-itan nu kagbi na, tánni hikitam u magin tagapagmana sigun tu inpananto na a biyag a awan ti kahád a áasaan tam.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Juan 3:3

Kanya ni ti deyaman u te konna he a pag-asa ay dapat a mabiyag a tehhod a kalinisan, konna ni Cristo.