Efeso 4:22 - U Maganda A Baheta Ni Jesu-Cristo

²² ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Efeso 4:22 Σταυροειδείς Αναφορές

Roma 6:6

Tukoy tam a u date tam a pagkatolay ay nepako dán tu kudus a kaguman ni Cristo, tánni matay u makasalanan tam a bággi, tánni awan kitamon maalipin pa nu kasalanan.

Roma 7:11

Dipo ginamit nu kasalanan u Kautusan tánni dayaánnák na, sakay dipo hod ay nahatulanák ti kamatayan dipo awan ko masunud u Kautusan.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

Galacia 1:13

Tukoy moy labe u date ko a kákkabiyag tu relihiyon nu Judio hide. Pinahirapan ko ti husto u mánnampalataya hide tu Diyos sakay sinikap ko hide a sidaan a atanan.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

Efeso 4:25

Kanya adággen moy dán u págbule-bule sakay u tatahoden u ikagi moy tu kákkapátkákka moy hide dipo kabilang kitam tu eessa a bággi.

Efeso 4:31

Ibutan moy dán u ányaman a saket ni isip, iyamut, pákpágdadima, pánggulo, metmet, págsida tu agum, sakay tu atanan a kalase nu madukás a ugale.

Colosas 2:11

Dipo tu pákpagkaessa moy ni Cristo, ay kumán kamon a nature. Pero bakán a tu págture a gimitán nu tolay nan u págture a gábwat ni Cristo, a awan ti agum nan tu páng-adág tu mágkadukás a kagustuwan nu bággi.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 3:13

Nan magpaala-alaan kam aldew-aldew, mentaras a madulaw palla “nadid” u panahun, tánni awan ti madaya nikam sakay magin alipin nu kasalanan.

Santiagu 1:21

Kanya adággen moy dán u atanan nu kadukássan sakay tu agum pa a mágkadangát a gimet, sakay tanggapán moy dán u upos nu Diyos a indátton na tu isip moy dipo siya u mángligtas nikam.

Santiagu 1:26

Ni tu pangisip nu tolay ay makidiyos siya pero awan na labe kaya a pugáddán u dila na, ay lállokuwán nala u sadile na, dipo awan ti pinagserserbiyan u pakidiyos na.

1 Pedro 1:18

Tukoy tam dámbe ni ánya u nangtubus na nikitam tu date tam a biyag a awan ti pinagseserbiyan a mana tam palla tu nuno tam hide. U nangtubus na nikitam ay bakán a ginto oni pilak a masida sakay maubus.

1 Pedro 4:3

Tama dán u panahun a sinayang moy tu pakángimet tu bagay hide a makaluta a gággustuwán nu awan hide makidiyos: konna tu kahalayan, madukás a kagustuwan nu pilas, páglasing, subra a kasayaan a awan ti pinagseserbiyan, inuman, sakay u págsamba tu diyos-diyosan hide.

2 Pedro 2:13

Iye u kagantiyan nu ginággimet de a madukás. Mahilig hide a maggimet ti kalaswaan maskin tu atubang nu katolayan. Dakál a kákkasanike sakay kapintasan u iyatád de nikam. Ikasaya de u págdaya de nikam mentaras hide ay kuman a kaguman moy tu pamágkasayaan moy.

2 Pedro 2:7

Pero inligtas nu Diyos ti Lot a essa a malinis a tolay. Nabalisa siya a tahod dipo tu gággimitán a mágkalaswa nu tolay hide a awan maki-Diyos.