Efeso 4:2 - U Maganda A Baheta Ni Jesu-Cristo

² Magin mapagpakumbaba kam, mabait, sakay matiyaga. Magmahalan kam sakay magpasensiyaan tu balang essa.

Efeso 4:2 Σταυροειδείς Αναφορές

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Markos 9:19

Kinagi ni Jesus nide, “Awan ti pánniwala i tolayay nadid a panahun! Hanggan nikasanganák moy a kakaguman? Hanggan nikasangan takam a pagtiisan? Iyangay mo he anake!”

Gimet 20:19

Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

1 Corinto 13:7

U tolay a te págmahal ay mapagpatawad, te tiwala tu agum, pirme a tehhod a pag-asa, sakay mapagtiis tu atanan a hirap.

Galacia 6:2

Magtulungan kam tu ánya man a problema moy hide, tu konna he a paraan ay matupad moy u utus ni Cristo.

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

Santiagu 1:21

Kanya adággen moy dán u atanan nu kadukássan sakay tu agum pa a mágkadangát a gimet, sakay tanggapán moy dán u upos nu Diyos a indátton na tu isip moy dipo siya u mángligtas nikam.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.