Efeso 3:2 - U Maganda A Baheta Ni Jesu-Cristo

² Tukoy ko a nabaheta moy dáwwad be a dipo tu habag nu Diyos ay inpagkatiwala na nikán u págpahayag tu kagbi na para nikam.

Efeso 3:2 Σταυροειδείς Αναφορές

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 11:13

Nadid, iye dámman u kagiyán ko nikam a bakán hide a Judio. Ginimiták a apostol nu Diyos para nikam, sakay ikarangal ko i tarabahuwan iye.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

1 Corinto 4:1

Nadid, dapat u pangileng moy nikame ay tagapagserbi ni Cristo sakay katiwala a mángpahayag tu upos nu Diyos a date a awan ti makatukoy.

Galacia 1:13

Tukoy moy labe u date ko a kákkabiyag tu relihiyon nu Judio hide. Pinahirapan ko ti husto u mánnampalataya hide tu Diyos sakay sinikap ko hide a sidaan a atanan.

Efeso 1:10

káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 3:9

Sakay ipaliwanag tu atanan ni kodya a mangyare u plano nu Diyos. Iye a sekreto ay nalay a panahun a inlihim nu Diyos a nanglalang tu atanan a bagay,

Efeso 4:21

Ni talaga sinaneg moy u toldu na sakay natolduwan kam tu katutuhanan a katoy ni Jesus,

Efeso 4:7

Pero u bawat essa nikitam ay inátadden ni Cristo ti kaluub, ayun tu gustu na a inyatád.

Colosas 1:4

dipo nabaheta me u pánnampalataya moy ni Cristo-Jesus sakay u págmahal moy tu atanan a pinile nu Diyos,

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

1 Timoteo 1:11

Iye a adal ay neayun tu Maganda a Baheta a inyintrega nikán nu dakila sakay mapagpala a Diyos.

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

2 Timoteo 1:11

Piniliyák na a apostol sakay tagapagtoldu para mepahayag ko u Maganda a Baheta.