Efeso 2:9 - U Maganda A Baheta Ni Jesu-Cristo

⁹ Bakán iye a dipo tu mágkaganda moy hide a gimet kanya awan ti mepagmadakál u deyaman.

Efeso 2:9 Σταυροειδείς Αναφορές

Roma 11:6

Pinile na hide dipo tu habag na, bakán a dipo tu mágkaganda a gimet de hide, dipo ni tu mágkaganda de a gimet ay awan iye mebilang a habag.

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

Roma 4:2

Ni inbilang siya nu Diyos a awan ti kasalanan dipo tu nagimet na hide, nakwa ay tehhod siya a mepagmadakál. Pero awan siya ti mepagmadakál tu Diyos,

Roma 9:11

Impakilala nu Diyos a u págpile na ay ayun tu sadile na a plano sakay bakán a tu gimet nu tolay. Dipo bagu pa a meenak u anak hide sakay bagu pa a makagimet ti maganda oni madukás,

Roma 9:16

Ni konna hod, u págpile nu Diyos ay bakán a ayun tu kagustuwan nu tolay oni tu pággimet ti maganda, ni awan tu kagbi la nu Diyos.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.