Efeso 2:3 - U Maganda A Baheta Ni Jesu-Cristo

³ Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Efeso 2:3 Σταυροειδείς Αναφορές

Markos 4:19

pero dipo tu kabalisaan ti biyag, págmahal tu pilak, oni kákkasoh tu sari-sare a bagay, u Upos nu Diyos ay nawan tu puso de kanya awan iye nagbunga.

Juan 1:13

Nagin anak ngane hide nu Diyos, bakán a tu pamamagitan nu pangpilas a kákkeenak oni tu kagustuwan nu tolay, nan dipo tu kaluuben nu Diyos.

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Gimet 14:16

Tu limmipas a panahun ay pinabayan na a sunudán nu atanan a tolay u gusto de hide a gimitán.

Roma 1:24

Kanya pinabayan dán hide nu Diyos tu mágkadukás a kagustuwan nu puso de, hanggan nikuna a maggimet dán hide tu kagustuwan nu bággi de tu balang essa.

Roma 11:30

Tu itod, hikam a bakán a Judio ay masássuwayán tu Diyos, pero nadid ay kinahabagan na kam dipo tu kássuway nu Judio hide.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 2:14

U Hentil hide ay awan ti tukoy tungkul tu Kautusan. Pero ni maggimet hide ti ayun tu Kautusan ay impeta de a maske awan hide ti tukoy hod ay tukoy de u dapat de a gimitán.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 5:9

Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Roma 6:12

Dyan moy dán pabayan a maghare u kasalanan tu bággi moy a matay tánni awan kamon maalipin tu atanan a kagustuwan na.

Roma 7:18

Tukoy ko a awan ti maganda tu makasalanan ko a pagkatolay, dipo ni gusto ko a maggimet ti maganda, ay awan ko labe iye magimet.

Roma 9:22

Konna pa man hod, gusto nu Diyos a ipeta u iyamut na sakay u kapangyariyan na, pero pinagtiyagaan na sakay pinagtiisan u tolay hide a dapat dán nakwa a parusaan sakay puksaán.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Colosas 1:21

Tu itod, ay adeyo kam tu Diyos sakay nagin kadima na, dipo tu kadukássan a hod tu isip moy sakay siya be u gággimitán.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

1 Tesalonica 5:6

Kanya dapat kitam a pirme a lukag sakay nakahanda sakay malinaw ti pággisipan. Bakán a konna tu agum a tidug.

1 Timoteo 6:9

Pero u masoh hide a yumaman tu maski ánya man a paraan ay matápduk tu tokso sakay maekhutan hide nu mágkadukás de a kagustuwan a mángpalulung nide tu kamatayan sakay kapahamakan.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

1 Pedro 1:14

Bilang anak a masássunudán, ay dapat dyan kam magpaalipin tu mágkadukás a kagustuwan nu pilas konna tu gággimitán moy tu itod nikuna a awan moy palla tukoy u Diyos.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

1 Juan 2:16

Dipo u tolay a makamundu ay iye u metan nide. U kákkasoh tu pilas, kákkasoh tu ketan hide sakay u pághambug. U atanan a iye ay bakán a gábwat tu Ama nan gábwat tu mundo.

1 Juan 2:8

Pero mebilang a bigu a utus i insulat kuwáy nikam; metan i tatahodinan iye tu biyag ni Cristo sakay tu biyag moy. Dipo mawan dán u kadiklámman sakay mágdadedemlag dán u tunay a demlag.