Efeso 1:5 - U Maganda A Baheta Ni Jesu-Cristo

⁵ ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.

Efeso 1:5 Σταυροειδείς Αναφορές

Mateo 1:25

Pero awan dinuhog ni Jose ti Maria hanggan awan siya nagenak. Nagenak ti Maria ti lállake sakay nginahanan ni Jose u anak a Jesus.

Mateo 11:26

On Amáng dipo ina i kagustuwan muway.”

Lukas 10:21

Ti odas biyan itod ay nagkahod ti Jesus ti kasayaan a gábwat tu Banal a Ispirito, kinagi na, “Magpasalamaták niko Ama a Panginoon ti langet sakay ti lutaáy dipo awan mo impakapospos tu mágkarunung i bagayan hidenye. Impakapospos mo la iye hide tu tolay hide a mapakumbaba a konna tu anak. On, Ama magpasalamaták dipo konna hod u gusto mo a mangyare.”

Lukas 11:32

Tu Aldew nu Pághatul ay tumaknág be u taga-Ninive hide tán kumontara ti lahiyan iye, dipo nagsise hide nikuna mangaral nide ti Jonas. Sanigán moy katoy he u mas mataas nan ti Jonas.”

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Gimet 13:48

Nikuna nasaneg iye nu hentil hide ay tunay u saya de sakay nagpure hide tu Panginoon dipo tu upos na. Sakay atanan a pinile nu Panginoon a magkahod ti biyag a awan ti kahád ay summampalataya.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

1 Corinto 1:1

Gábwat iye a sulat nikán a ti Pablo a dinulaw ayun tu kaluuban nu Diyos tán magin apostol ni Cristo Jesus. Sakay gábwat be tu kapátkákka tam a ti Sostenes.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

2 Corinto 6:18

Hikán u magin ama moy, sakay hikam be u magin anak ko hide. Kagi nu Panginoon a Makapangyariyan.”

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Colosas 1:19

Dipo netakda dán nu Diyos a he dán tu anak na u atanan a pagka-Diyos na.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

Pahayag 21:7

Iye u matanggap nu magtagumpay. Sakay hikán u magin Diyos na, sakay siya be ay magin anak ko.