Efeso 1:1 - U Maganda A Baheta Ni Jesu-Cristo

¹ Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Efeso 1:1 Σταυροειδείς Αναφορές

Lukas 16:10

U mapagkatiwalaan ti badit a bagay ay mapagkatiwalaan be ti dakál a bagay sakay ni deya man u mangdaya tu badit a bagay ay magdaya be tu dakál a bagay.

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

1 Corinto 4:12

Magtarabaho kame para tehhod a makan. Idáddasal me a pagpalaán u magupos nikame ti madukás; táttiisán me ni sássestiyán di kame.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

2 Corinto 1:1

Gábwat iye a sulat nikán a ti Pablo a apostol ni Jesu-Cristo, ayun tu kaluuban nu Diyos sakay gábwat tu kapatkákka tam a ti Timoteo. I sulatan iye ay para tu mánnampalataya hide ti Corinto sakay tu mánnampalataya hide a mágyan ti buo a Acaya:

Galacia 1:1

Iye a sulat ay gábwat nikán a ti Pablo, a pinile a apostol bakán a gábwat tu tolay oni tu pamamag-itan nu tolay, nan ti Jesu-Cristo sakay tu Diyos Ama a huway a nangbiyag ni Jesus.

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Galacia 3:9

Simmampalataya ti Abraham tu Diyos kanya pinagpala siya, kanya u atanan a manalig tu Diyos ay pagpalaán be a konna nikuna.

Efeso 1:15

Kanya sapul nikuna mabaheta ko u pánnampalataya moy tu Panginoon tam a ti Jesus sakay tu págmahal moy tu atanan a sakup hide nu Diyos,

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Efeso 2:13

Pero nadid, dipo tu pákpágkaessa moy ni Cristo Jesus, hikam a date a adeyo ay neadeni dán tu pamamag-itan nu dige ni Cristo a nagbulos nikuna a matay siya tu kudus.

Efeso 2:6

Dipo tu pákpágkaessa tam ni Cristo Jesus, ay biniyag na kitam a huway a kaguman ni Cristo sakay pinággetnod na ti langet a kaguman na.

Efeso 6:21

Ti Tiquico, a mahal tam a kapátkákka sakay matapat a tagapagserbi nu Panginoon, u mángbaheta nikam tu atanan a bagay tungkul tu kalagayan sakay gággimitán ko.

Colosas 1:2

Iye a sulat ay para tu taga-Colosas hide a pinile nu Diyos sakay tapat a kákkapatkákka me ni Cristo. Nakwa ay atádden kam nu Diyos Ama ti kapayapaan, sakay pagpapala.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.