3 Juan 1:9 - U Maganda A Baheta Ni Jesu-Cristo

⁹ Nagsulaták tu mánnampalataya hide pero awan pinahalagaan ni Diotrefes u kinagi ko; dipo u gusto na ay siya u tenggiyán a puno.

3 Juan 1:9 Σταυροειδείς Αναφορές

Mateo 7:8

Dipo u atanan a magaged ay maatádden sakay u atanan a magehyok ay maketa sakay u atanan a magtoktok ay mabukasan.

Markos 9:34

Awan hide makatábbeg, dipo u pinamágtalu-taluwan de ay ni deya nide u pinakamataas.

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Colosas 1:18

Ti Cristo u ulo nu mánnampalataya hide sakay hide u bággi na. Siya u pinaggábwatan nu biyag a awan ti kahád, dipo siya u kadipalonguwan a nabiyag a huway tánni siya u pinakadakila tu atanan.

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.

3 Juan 1:8

Dapat tam hide a tulungan tánni makatulung kitam nide tu págpakalat de tu tatahoden a toldu.