3 Juan 1:6 - U Maganda A Baheta Ni Jesu-Cristo

⁶ Ibábbaheta de ti simbaanáy u tungkul tu págmahal mo. Nakwa tulungan mo hide tu kailangan de tu páglakbay de tu paraan a makasaya tu Diyos.

3 Juan 1:6 Σταυροειδείς Αναφορές

Gimet 15:29

Dyan moy kanán u neatang hide tu diyos-diyosan hide, dyan kamon kuman tu tehhod hide a dige sakay dyan moy dán kanán u hayup a nabitte. Sakay diyan kamon mangibábbey oni mangilállake. Adeyuwan moy i bagayan ina hide, dipo kapiyyaan moy u págsunud tu utus me a iye. Sigi hanggan dálla he.”

Gimet 15:3

Kanya pinahektat ngane nu mánnampalataya hide di Pablo. Tu káhhoyot de ti Fenicia sakay ti Samaria ay imbaheta de tu kákkapatkákka hod a makpal dán a mánnampalataya a Hentil. Minasaya u mánnampalataya hide ti bahetaan itod.

Gimet 21:5

Nikuna a dumemát dán u aldew a kállakad me ay nagtulos-tulos kame dán tu págbiyahe me. Intugán di kame a atanan hanggan tu luwas nu banuwan, kaguman de u kákkabanga de sakay u anak de hide. Káddemát me tu bihebi nu diget ay limmuhud kame sakay nagdasal.

Roma 15:24

asaan ko a mamágketa-keta kitam nadid. Tamuwák hina káangay ko ti Ispanya. Sakay tukoy ko a magin masayaák tu pamagketa tam maskin sabadit la a panahun. Asaan ko be a matulunganák moy tu káangay ko ti Ispanya kággábwat ko hina.

2 Corinto 1:16

Nagplanuwák a humoyot pa hina káangay ko ti Macedonia. Sakay tu kássole ko, ay humoyuták dámman hina tánni matulunganák moy tu págbiyahe ko ti Judea.

Filipos 4:14

Konna pa man hod ay magpasalamaták a tahod dipo tu pángtulung moy nikán tu pághirap ko.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

Tito 3:13

Gimitán moy u makaya moy para matulungan di Apolos sakay ti Senas a abugadu tánni makapaghektat hide ti mabilis. Siguraduwán mo a awan hide magkulang tu atanan a kailangan de.

1 Pedro 2:20

Awan ti seserbi u págtiis moy ti parusa ni dipo tu ginimet moy a madukás. Dipo awan kam kasayaan nu Diyos. Pero ni pápparusaan kam maski maganda u gággimitan moy, ay kasayaan kam nu Diyos.

3 Juan 1:12

Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.