3 Juan 1:10 - U Maganda A Baheta Ni Jesu-Cristo

¹⁰ Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.

3 Juan 1:10 Σταυροειδείς Αναφορές

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Juan 9:22

Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

2 Corinto 13:2

Gusto ko a huwayán a kagiyán tu nagkasala hide sakay tu agum pa a awan ti makaiwas tu disiplina ko. Kinagi ku dán iye nikuna kapenduwwa ko hina a káangay sakay huwayán ko iye nadid mentaras a awanák palla nakademát hina:

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

1 Timoteo 5:13

Bakán la a itod nan magin tamad pa hide sakay mamilaybilay a mákpággauhon. Bakán la hide a tamad nan magin mametmet pa sakay mák-alam tu biyag nu agum sakay mággistorya tu awan dapat a iyistorya.

2 Juan 1:10

Ni te dumemát nikam a tolay a te iba a toldu ay dyan moy siya tanggapán tu bilay moy oni uhunán,

2 Juan 1:12

Makpalák pa nakwa a ikagi nikam pero awan ko dálla isulat. Dipo umasaák a makaangayák hina sakay makauhon takam tánni mas masaya kitam a tahod.

3 Juan 1:3

Masayaák a tahod nikuna dimmemát u agum tam a kákkapatkákka sakay imbaheta de nikán a tapat ka tu tatahoden sakay talaga a nabiyag ka ayun ti iye.

3 Juan 1:5

Mahal ko a amigu, u págserbi mo tu kákkapatkákka tam hide sakay maski u awan mo hide matenggi ay nangpatunay a matapat ka.