2 Timoteo 1:4 - U Maganda A Baheta Ni Jesu-Cristo

⁴ Maala-ala ko u págsanget mo tu itod sakay gugusto taka a ketan tánni magkahodák ti dakál a kasayaan.

2 Timoteo 1:4 Σταυροειδείς Αναφορές

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

Gimet 20:19

Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Roma 1:11

Gusto ko dán be a ketan takam, tánni mabahagiyan tu kaluub hide a ispiritwal para bumegsák kam.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

Filipos 2:26

Dipo tunay dán u soh na a ketan nakam hina a atanan, mabalisa siya a tahod dipo natukuyan na a nabaheta moy a nagkasakit siya.

1 Tesalonica 2:17

Nadid kákkapatkákka mi hide, maski sabadit la a panahun a neadeyo kame nikam ay grabi dan i ammaw miyay nikam, konna bi hod u pagkasoh me a ketan mikam a huway. Tatahoden a neadeyo kame nikam pero lagi mikam a aisipán.

2 Timoteo 4:21

Pilitán mo a makademát he bagu a dumemát u amiyan. Mákkumusta niko di Eubulo, Pudente, Lino, Claudia sakay u mánnampalataya hide.

2 Timoteo 4:9

Pilitán mo a makademát ka he a pagdaka.

1 Juan 1:4

Insulat mi iye tánni magin tunay u kasayaan tam.

Pahayag 21:4

Pahidán na u luwa de hide. Awan dán ti matay, malungkut, magsanget, oni magkasakit dipo limmipas dán u date hide a bagay.”

Pahayag 7:17

Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”