2 Tesalonica 3:4 - U Maganda A Baheta Ni Jesu-Cristo

⁴ Dipo tu Panginoon ay dakál u tiwala me nikam sakay tukoy me a tulos-tulos moy a sunudán u intoldu me nikam.

2 Tesalonica 3:4 Σταυροειδείς Αναφορές

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 15:18

Sakay u ipagmadakál ko a iye ay awan ti iba ni awan u ginimet ni Cristo tu pamamag-itan ko, a naakit ko u bakán hide a Judio a sumunud tu Diyos tu pamamag-itan nu toldu ko hide sakay tu gimet ko hide.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

1 Corinto 14:37

Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.

1 Corinto 7:19

Awan ti halaga ni ture u essa a tolay oni awan ture u mahalaga ay u kássunud tu utus hide nu Diyos.

2 Corinto 2:3

Kaya nagsulaták pa nikam. Tánni, káangay ko hina ay bakán dán a lungkut u iyatád moy nikán, nan hikamon u mangpasaya nikán. Dipo maniwalaák a u kasayaan ko ay kasayaan moy be.

2 Corinto 2:9

Dipo iye u dahilan ni bakin a nagsulaták nikam, para matukuyan ko ni sássunudán moy ti husto u atanan a impáppangaral ko.

2 Corinto 8:22

Kaya paangayán me hina para makaguman de u essa tam pa a kapatkákka a napurbaan mi dán tu makpal a pagkakataun sakay netan me nikuna a masigasig siya a tumulung. Mas lalo siya a matiyaga a tumulung nadid dipo tu págtiwala na nikam ti husto.

Galacia 5:10

Dipo tu pákpagkaessa tam tu Panginoon ay magtiwalaák a awan kam magbagu tu pánniwala moy. Sakay nakasiguduwák a parusaan nu Diyos u deyaman a tolay hide a mangrebuk nikam.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

1 Tesalonica 4:10

Tukoy me a mahal moy dán u kákkapatkákka tam hide a taga-Macedonia. Pero konna paman hod ay mákkekakagbiyák padi nikam a dagdagan moy pa u págmahal moy nide.

2 Tesalonica 3:12

Tu ngahan nu Panginoon tam a ti Jesu-Cristo, mahigpit me a kagiyán ti tolayan iye hide a ayusan de u biyag de sakay magtarabaho hide para tu kabiyagen.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.

Filemon 1:21

Nagsulaták niko dipo te tiwalaák a pagustuwanák mo ti kagiyán kuwáy. Tukoy ko a mas pa u gimitán mo nan tu impákkekagbi ko.