2 Tesalonica 3:3 - U Maganda A Baheta Ni Jesu-Cristo

³ Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

2 Tesalonica 3:3 Σταυροειδείς Αναφορές

Mateo 5:37

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Lukas 11:4

Sakay patawadán mo kame tu kasalanan me hide, dipo pappatawadan mi be u nagkasala hide nikame. Sakay dyan mo kame pabayan a matokso.”

Juan 17:15

Awan ko idasal a alapán mu dán he hide ti munduwáy, nan ingatan mo hide para awan hide matalo ni Satanas.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

1 Tesalonica 5:24

Matapat u Diyos a nangdulaw nikam kaya tupadán na iye a talaga.

2 Tesalonica 2:17

Atádden kam nakwa nu Diyos ti matatag a kaluuben para mepahayag moy sakay megimet u atanan a mágkaganda.

2 Timoteo 4:18

U Panginoon u mángligtas nikán tu atanan a mágkadukás sakay ligtasák a iyangay na tu kahariyan na ti langet. Puriyán siya hanggan-hanggan! Amen.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.