2 Tesalonica 3:2 - U Maganda A Baheta Ni Jesu-Cristo

² Ipagdasal moy kami be a iligtas kame nu Diyos tu mágkadukás a tolay. Dipo awan atanan a tolay ay maniwala tu itoldu me.

2 Tesalonica 3:2 Σταυροειδείς Αναφορές

Mateo 17:17

Timmábbeg ti Jesus, “Lahi kam a awan ti paniwala sakay maigát ti ulo! Hanggan nikanák moy dapat palagi a kakaguman? Hanggan nikan ta kam a pagtiisan? Iyangay moy he u anak!”

Mateo 23:23

Kakagbi kam, maisto hide nu Kautusan ni Moises sakay Pariseo hide! Mapagkunware kam! Inyatád moy u ikapo maski u págrekado a awan ti halaga pero kinalimunan moy a igimet u mas lalo a mahalaga a adal tu Kautusan: Hikam ay magin pantay tu atanan a bagay, u magin makakagbiyan sakay u katapatan. Tama ngane a mag-ikapo kam pero dyan moy be kalimunan a gimetan u mas mahalaga tu Kautusan.

Lukas 18:8

Kagiyán ko nikam, iyatád na a pagdaka u atanan a tulung a agidán tam. Pero káddemát a huway nu Anak nu Tolay ti munduwáy, te ketan pa wád siya a manalig nikuna?”

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 17:5

Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 25:27

Dipo para nikán, awan maganda ni ipeangay ko tu Hare ti Roma u essa a pireso a awan melinaw u kaso na.”

Gimet 28:24

Tehhod a naniwala sakay tehhod labe a awan naniwala tu kinagi na.

Roma 10:16

Pero awan atanan ay tummanggap tu Maganda a Baheta. Kinagi ngane ni Isaias, “Panginoon, sasangan la u naniwala tu itáttoldu me hide.”

Roma 15:31

Ipagdasalák moy a maligtasák tu awan hide mánampalataya ti Judea, sakay masaya a tanggapán nu kákkapatkákka ti Jerusalem u tawed ko a tulung para nide.

1 Corinto 15:32

Ni u pákpáglaban ko tu mágkatapang a kadima he ti Efesowáy ay para la tu tolay, anya pakinabang kuway? Ni awan be mabiyag a huway u nágkatay hide, maganda pa ni sunudán tam i kakagiyánán iye: “Kuman kitam sakay uminom, dipo ni ilaw ay matay kitamon.”

1 Tesalonica 2:18

Sakay tunay u pagkasoh me a makasole hina. Bakán la a pumensangan a beses a binalak ko a bumisita hina nikam. Pero pirme kame a páppugáddan ni Satanas.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.