2 Tesalonica 2:9 - U Maganda A Baheta Ni Jesu-Cristo

⁹ Pumeta i tolayan iye a madukás a tehhod a kapangyariyan ni Satanas. Maggimet siya tu himala hide sakay tu atanan a bagay a makataka-taka para linlangan na u tolay hide.

2 Tesalonica 2:9 Σταυροειδείς Αναφορές

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Lukas 11:25

Sakay ni demáttan na a malinis sakay maayus u bilay ti kássole naan itod,

Juan 4:48

Kinagi ni Jesus nikuna, “Awan kam talaga maniwala, mentaras a awan kam maketa ti makataka-taka a gimet.”

Juan 8:41

U gággimitán moy ay gággimitán nu ama moy a essa.” Timmábbeg hide ni Jesus, “Bakán kame a mungaw. U Diyos u Ama me!”

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Gimet 13:10

sakay kinagi na, “Hiko! Anak ka nu diyablo! Kadima mo u atanan a bagay a tama! Katoy niko atanan a kakabuliyan sakay págdaya! Bakin pirme mo a baliktadan u tatahoden tungkul tu Panginoon?

2 Corinto 11:14

Sakay awan iye págtakaan! Dipo maski ti Satanas ay maare a magkunware a anghel nu Diyos.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

2 Timoteo 3:8

Kumán hide adi Janes sakay ti Jambres a kimmontara ni Moises, dipo kimmontara be hide tu tatahoden. Awan dán hide ti maisip a maganda kaya u pánnampalataya de ay awan tunay.

Santiagu 3:15

U konna hina a karunungan ay bakán a gábwat tu Diyos nan makamundu; gábwat tu diyablo, bakán a tu Banal a Ispirito.

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 18:23

Awan dán be maski essa a sulo a magdemlag hina; sakay awan dán masasaneg hina u mágkasaya a boses nu ikasal hide. Dipo nagin tanyag ti munduway u nigosyante hina hide, sakay nadaya u atanan a tolay ti munduway tu pamamag-itan nu anting-anting nu tolay hide a magyan hina.”

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.

Pahayag 9:11

U hare de ay u anghel a mágbantay tu ábbut a tunay ti kadsalad. U ngahan na tu upos a Hebreo ay Abadon, sakay ti Griego ay Apolion; u gusto na a kagiyán ay Tagapagsida.