2 Tesalonica 2:3 - U Maganda A Baheta Ni Jesu-Cristo

³ Diyan kam magpalinlang nide maski ni ánya man a kaparaan. Dipo u aldew nu káddemát nu Panginoon ay awan dumemát mentaras awan magsapul u páng-adi nu tolay hide tu Diyos, sakay awan palla dummemát u tolay a masássuwayán a netakda tu awan ti kahád a kaparusaan.

2 Tesalonica 2:3 Σταυροειδείς Αναφορές

Juan 17:12

Mentaras a kagumanák de ay iningatan ko hide tu kapangyariyan a inyatád mo nikán. Iningatan ko hide sakay awan ti nepahamak nide, puwera la tu tolay a nagehyok tu kákkepahamak na para matupad u kinagi tu Kasulatan tungkul nikuna.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

1 Juan 2:18

Anak ko hide, adeni dán u katapusan a panahun! Konna tu nasássaneg moy dán a dumemát u kontara ni Cristo. Kanya nadid ay makpal dán a pummeta a kontara ni Cristo hide. Kaya tukoy tam a adene dán u katapusan.

1 Juan 4:3

Pero u awan magkagi ti konna hod tungkul ni Jesus ay awan nikuna u Banal a Ispirito nan u ispirito nu kontara ni Cristo u katoy nide. Nasaneg moy a pademát u kontara ni Cristo ti munduwáy sakay nadid ay atoy dán.

Pahayag 17:11

Pero u makaánteng a hayup a biyag tu itod pero nadid ay patay dán ay siya u kawalo a hare, kaguman be nu pitto. Sakay u keangayan na ay u kaparusaan.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.