2 Tesalonica 2:2 - U Maganda A Baheta Ni Jesu-Cristo

² diyan kam manteng oni mabalisa tu mabaheta moy a dumemát dán u Panginoon. Diyan kam maniwala maski ni kagiyán de a kinagi nide nu Banal a Ispirito, oni nabaheta de oni nabasa de tu essa a sulat a gábwat kan nikame.

2 Tesalonica 2:2 Σταυροειδείς Αναφορές

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Markos 13:7

Ni makasaneg kam ti labanan a adene nikam sakay makabaheta kam a te labanan be tu adeyo ay diyan kam manteng. Kailangan a mangyare ina hide, pero bakán palla a ina u katapusan.

Lukas 21:19

Tu pagtiis moy ay magkahod kam ti biyag a awan ti kahád.

Lukas 21:9

Ni mara makabaheta kam ti gera sakay dimaan ay dyan kam mabalisa. Talaga a mangyare iye hide a atanan, pero bakán pálla iye u katapusan ni munduwáy.”

Juan 14:1

Nadid ay kinagi ni Jesus nide, “Diyan kam mabalisa. Magtiwala kam tu Diyos sakay magtiwala kam be nikán.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

1 Corinto 14:32

Sakay u tumanggap hide ti kaluub nu págpahayag ay dapat a magpugád hide tu sadile de sakay maguhay hide tu odas ni hide dán u magupos.

1 Corinto 7:26

Iye u makagi ko nikam nadid a panahun ni sákhirap. Ni tehhod ka dán a kabanga, ay dyan mo dán hiwalayan u kabanga mo. Ni awan ka palla ti kabanga ay mas maganda ni dyan ka dálla mákkabanga. Dipo tu palagay ko ay mas maganda pa a magtulos-tulos ka tu kalagayan mo ti biyag nikuna dulawán ka nu Diyos.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

1 Tesalonica 3:3

Tánni awan manghina u deyaman nikam dipo tu págpahirap di nikam. Tukoy tam labe a u hirap hide ay kaguman tu plano nu Diyos para nikitam.

1 Tesalonica 4:15

Sa iye i adalay nu Panginoon a kákkagiyán mi nikam: hikitam a biyag palla ay awan mágdipalongo tu mánnampalataya hide a nágkatay dán a tumagbu tu Panginoon.

1 Tesalonica 5:2

Dipo tukoy moy dán a u káddemát nu Panginoon ay konna tu káddemát nu mágtakaw ti gibi.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

2 Tesalonica 3:17

Hikán a ti Pablo u nagsulat ti iye a pángngumusta nikam: Iye u pirma ko tu atanan a sulat ko. Konnaák he a magsulat.

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.