2 Tesalonica 2:16 - U Maganda A Baheta Ni Jesu-Cristo

¹⁶ Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

2 Tesalonica 2:16 Σταυροειδείς Αναφορές

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 15:13

Awan dán ti págmahal a higit tu págmahal nu essa a tolay a náng-alay tu biyag na para tu amigu na hide.

Juan 15:9

Mahal takam a konna tu pángmahal nikán nu Ama. Manatile kam tu págmahal ko.

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 3:16

Dipo mahal a tahod nu Diyos u tolay hide ti munduway, kanya inyatád na u kaessa-essa na a Anak, para ni ti deya man u sumampalataya nikuna ay awan matay nan magkahod ti biyag a awan ti kahád.

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Gimet 15:11

Pero maniwala kitam a naligtas kitam tu pamamag-itan nu habag nu Panginoon a ti Jesus, konna be nide.”

Gimet 18:27

Sakay nikuna maggayak siya a angay ti Acaya ay nagsulat u mannampalataya hide a taga-Efeso para tu mánnampalataya hide hod a tanggapán de ti mahusay ti Apolos. Káddemát na hod ay dakál u netulung na tu mánnampalataya hide dipo tu kabaitan nu Diyos.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

Roma 4:4

U meatád tu essa a tolay a nagtarabaho ay upa bakán a kaluub.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Efeso 5:25

Hikam a lállake hide, mahalán moy u kákkabanga moy hide, konna tu págmahal ni Cristo tu mánnampalataya hide. Dipo tu págmahal na ay inyalay na u biyag na para nide.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 3:11

Nakwa ipakultad nu Diyos a Ama sakay nu Panginoon tam a ti Jesu-Cristo a makaangay kami hina.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 22:5

Sakay awan dán hod ti gibi, kaya awan dán kailangan u simbuwan oni demlag nu aldew dipo u Panginoon a Diyos u magin demlag de. Sakay maghare hide hanggan-hanggan.

Pahayag 3:9

Tandaan moy! Utusan ko u gurupo ni Satanas a mágkabule sakay mapagkunware a Judio, a angay lumuhud tu atubang moy. Sakay hod de a matukuyan a hikam u mahal ko.