2 Tesalonica 1:7 - U Maganda A Baheta Ni Jesu-Cristo

⁷ Sakay hikam be a mághahirapán hide ay atádden na ti imangan moy a kaguman me. Mangyare ina tu kássole nu Panginoon Jesus a gábwat ti langet a kaguman nu makapangyariyan na hide a anghel.

2 Tesalonica 1:7 Σταυροειδείς Αναφορές

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Markos 14:62

Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Markos 8:38

Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 17:30

Konna labi hod i mangyariyay tu káddemát nu Anak nu Tolay.

Juan 1:3

Tu pamamag-itan na ay nalalang u atanan a bagay, sakay awan ti ányaman a nalalang ni awan tu pamamag-itan na.

Juan 1:51

Sakay kinagi pa ni Jesus nikuna, “Pakatandaan moy: ketan moy u langet a bumukas sakay tulos-tulos u anghel hide a umogsad sakay sumangkay tu páppágyanan nu anak nu tolay.”

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Efeso 1:2

Magkahod kam nakwa ti pagpapala sakay kapayapaan a gábwat tu Diyos a Ama tam sakay tu Panginoon tam a ti Jesu-Cristo.

Colosas 1:16

Dipo atanan a nilalang ti langet sakay ti lutaáy, ketan man oni awan, pate u ispirito hide a maghare, sakay tu mamahala hide, u mamuno hide, sakay u tehhod hide a kapangyariyan a ispiritwal ay nilalang nu Diyos tu pamamagitan na sakay para nikuna.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 10:27

Nan u maguhay dálla nikitam ay u makaánteng a pademát a pághatul, sakay u maggehab a apoy a mangtutod tu kadima hide nu Diyos!

Hebreo 12:29

dipo ni magparusa u Diyos tam ay kumán a apoy a makatutod.

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 4:9

Kanya ngane tehhod palla a nakahanda a imangan u pinile hide nu Diyos, a konna tu káimang nu Diyos káttapos nu pánglalang na tu kapitto a aldew.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 14:10

ay danasán de u iyamut nu Diyos a awan ti halo a kagbi. Sadya a parusaan hide tu apoy ay tu asupre tu atubang nu banal hide a anghel sakay tu Tupa.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.

Pahayag 21:4

Pahidán na u luwa de hide. Awan dán ti matay, malungkut, magsanget, oni magkasakit dipo limmipas dán u date hide a bagay.”

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”

Pahayag 22:6

Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”

Pahayag 22:9

Pero kinagi na nikán, “Dyan mo ina gimitán! Tagapagserbiyák labe a kapareho mo, konna tu kákkapatkákka mo a prupeta, sakay u atanan a mangsunud tu upos hide ti libruwan iye. U Diyos i sambaán muway!”

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.