2 Tesalonica 1:6 - U Maganda A Baheta Ni Jesu-Cristo

⁶ Gimitán nu Diyos u karapat-dapat; talaga a parusaan na u nagpahirap hide nikam.

2 Tesalonica 1:6 Σταυροειδείς Αναφορές

Colosas 3:25

U makasalanan be hide ay parusaan na ayun tu kasalanan de hide dipo u Diyos ay awan ti kampiyan.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

Pahayag 11:18

Maiyamut a tahod u tolay hide a awan tumenggi niko. Dipo dimmemát dán u odas para parusaan mo hide. Odas dán para hatulan mo u patay hide, sakay atádden ti piremyo u tagapagserbi mo hide, a prupeta, u mannampalataya hide, sakay tu atanan a te ánteng niko, mataas man ay ti mababa. Odas dán para puksaán mo u nagpahirap tu tolay hide ti munduway.”

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 18:24

Pinarusaan nu Diyos u Babilonia dipo hod di hod a binuno u propeta hide a nángpahayag tu upos nu Diyos, sakay u atanan a tolay nu Diyos, sakay u agum pa a tolay ti lutaáy a binuno hod.

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”