2 Pedro 3:3 - U Maganda A Baheta Ni Jesu-Cristo

³ Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.

2 Pedro 3:3 Σταυροειδείς Αναφορές

Juan 12:48

Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Timoteo 3:1

Nadid, tandaan mo iye: tu dimodyan a aldew bagu sumole ti Cristo ay maghirap ti husto u atanan tolay.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

2 Pedro 1:20

Higit tu atanan, ay dapat moy a tandaan, a atanan nu insulat nu prupeta hide tu Kasulatan ay awan gábwat tu sadile di la a karunungan oni pákkaintendi.

2 Pedro 2:10

Lalu dán u sumunud hide tu kagustuwan nu pilas sakay sumássuway tu kapangyariyan nu Diyos. Palalo iye hide a tagapagtoldu a kákkagiyán ko. Awan hide ti ánteng a insultuwán u makapangyariyan hide a linalang ti langet.

1 Juan 2:18

Anak ko hide, adeni dán u katapusan a panahun! Konna tu nasássaneg moy dán a dumemát u kontara ni Cristo. Kanya nadid ay makpal dán a pummeta a kontara ni Cristo hide. Kaya tukoy tam a adene dán u katapusan.

Judas 1:16

Iye hide a tolay ay awan makontento tu biyag de, maseste sakay u gugusto de a sunudán ay u kagustuwan nu pilas, mágkahambug sakay sanay hide a mangloko para maalap de u gusto de.

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”