2 Pedro 2:2 - U Maganda A Baheta Ni Jesu-Cristo

² Sakay makpal hide a maakit a mánnampalataya a sumunud tu gimet de a malaswa. Kaya dipo he ay hamak-hamakán nu awan hide mánnampalataya u pánnampalataya tam ni Cristo.

2 Pedro 2:2 Σταυροειδείς Αναφορές

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 7:14

Pero mapiit u pintuwan sakay mahirap u dilan a tamo ti langet. Kanya sasangan la a tolay u maketa ti iye.”

Markos 12:14

Immadene hide sakay kinagi de nikuna, “Maisto, tukoy me a tatahoden u kákkagiyán mo, sakay awan ka ti ayunan. Dipo awan ka umileng tu kalagayan nu tolay, nan ni ánya u tatahoden a tungkul tu kaluuben nu Diyos u itáttoldu mo. Nadid, tama beman a magbayad kitam a Judio ti buwes ni Cesar a hare ti Roma?”

Markos 13:22

Dipo makpal a magwari-ware a hide u Cristo sakay te magwari-ware be a prupeta hide, sakay mángpeta bi hide ti tanda sakay makataka-taka hide a bagay tán itawtaw de ni maare pate u pinile hide nu Diyos.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Gimet 13:10

sakay kinagi na, “Hiko! Anak ka nu diyablo! Kadima mo u atanan a bagay a tama! Katoy niko atanan a kakabuliyan sakay págdaya! Bakin pirme mo a baliktadan u tatahoden tungkul tu Panginoon?

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 16:17

Tagu-tagubetan na kame ay di Pablo, sakay mágpapákhawán ti konna he, “Iye hide a tolay u tagapagserbi nu Kataasan a Diyos! Immangay hidehe para ibaheta de nikam ni kodya kam a maligtas!”

Gimet 18:26

Mabegsák u pággisipan na a mangaral tu sinagoga nu Judio hide. Nikuna masaneg nu magkabanga a Aquila sakay Priscila u págpaliwanag ni Apolos ay inakit de siya tu bilay de. Sakay impaliwanag di pa nikuna ti husto u bagay hide a awan na palla tukoy tungkul tu pamamaraan nu Diyos.

Gimet 19:9

Pero tehhod a sangan a awan summampalataya, maigát u págguluwan de sakay nagupos pa ti madukás kontara tu Toldu nu Diyos tungkul tu kaligtasan a hod ni Cristo tu atubang nu tolay hide. Kanya nilakaden ni Pablo u sinagoga sakay inkuyog na u mánnampalataya hide tu iskuwilaan ni Tirano sakay nagtulos-tulos siya a nagtoldu aldew-aldew.

Gimet 22:4

Pinahirapan ko u tolay hide a simmunud tu Toldu nu Diyos tungkul tu kaligtasan a hod ni Cristo. Sakay pinabuno kupa u agum. U agum be ay pinapungo ko hide sakay impepireso, bábbey man oni lállake.

Gimet 24:14

Pero aminán ko a sumássampalatayaák tu Diyos nu nuno me hide sigun tu intoldu ni Jesus a kákkagiyán de a liwat a rilihiyon. Pero maniwalaák be tu atanan nu nakasulat tu Kautusan ni Moises sakay tu atanan a insulat nu prupeta hide.

Roma 2:24

Konna tu nesulat tu Kautusan a “U ngahan nu Diyos ay awan igagalang nu bakán hide a Judio dipo nikam.”

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

Tito 2:5

Matolduwan nakwa hide a magin mahinahun, tanni u maganda la u gimitán de sakay isipán, sakay magin masipag tu gággimitán tu bilay, mabait, matapat sakay mágpasakup tu kákkabanga de. Tánni konna hod ay awan ti magkagi ti madukás kontara tu upos nu Diyos.

Tito 2:8

Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

2 Pedro 2:12

Iye hide a tolay ay kumán a hayup a awan ti isip. Sássestiyán de u bagay hide a awan de maintendiyan. Kanya maparusaan hide a konna tu mailam a hayup a neenak para dakáppán sakay bunuwán.

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 2:21

Mas maganda pa ni awan de natukuyan u tungkul tu makadiyos a kákkabiyag, kasera ni natukuyan de iye sakay adággen de labe tu dimodyan a aldew u banal hide a utus a inyatád nide.

2 Pedro 2:7

Pero inligtas nu Diyos ti Lot a essa a malinis a tolay. Nabalisa siya a tahod dipo tu gággimitán a mágkalaswa nu tolay hide a awan maki-Diyos.

Judas 1:10

Pero lállaitán ni tolayan hidenye u bagay hide a awan de maintendiyan; konna hide tu hayup hide a u sássunudán dila ay u bábbatiyán de hide a siya be u mángpatibung nide.

Judas 1:15

tánni hatulan na u atanan. Parusaan na u awan hide tumenggi tu Diyos dipo tu mágkadukás de a gimet sakay awan págrespeto nikuna.”

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.