2 Pedro 1:3 - U Maganda A Baheta Ni Jesu-Cristo

³ Tu pamamag-itan nu kapangyariyan nu Diyos. Inyatád na nikitam u atanan nu kailangan tam hide tánni mabiyag kitam a te ánteng ni Jesu-Cristo. Iye ay tu pamamagitan nu pákkatukoy tam nikuna a nangdulaw nikitam para makabahagi kitam tu karangalan na.

2 Pedro 1:3 Σταυροειδείς Αναφορές

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Roma 9:24

Sakay awan dán ti iba nan hikitam a dinulaw na, bakán la a u gábwat tu Judio hide nan u gábwat be tu Hentil hide.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

Colosas 1:16

Dipo atanan a nilalang ti langet sakay ti lutaáy, ketan man oni awan, pate u ispirito hide a maghare, sakay tu mamahala hide, u mamuno hide, sakay u tehhod hide a kapangyariyan a ispiritwal ay nilalang nu Diyos tu pamamagitan na sakay para nikuna.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

1 Tesalonica 4:7

Dinulaw kitam nu Diyos para mabiyag a tehhod a kabanalan bakán a tu kadukássan.

2 Tesalonica 2:14

Dinulaw kam nu Diyos tu pamamag-itan nu Maganda a Baheta a intoldu me nikam, para makaguman moy be u Panginoon tam a ti Jesu-Cristo tu kaluwalhatiyan na.

1 Timoteo 4:8

Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

1 Pedro 1:15

Banal u Diyos a nangpile nikam kanya awan kamon dapat a magkasala tu atanan a gimitán moy.

1 Pedro 1:5

Dipo tu pánniwala moy ni Jesu-Cristo kaya ingatan kam nu kapangyariyan nu Diyos, mentaras a maguhay kam tu kaligtasan a iyatád na káddemát nu katapusan a aldew.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 1:10

Kaya ngane, kákkapatkákka ko hide, lalu kam a sumigasig a máng-aheg tu ugale moy tu pángpile nikam nu Diyos. Ni ginimet moy iye ay mapatunayan moy a dinulaw kam ngane nu Diyos sakay awan kam manghina tu pánnampalataya moy.

2 Pedro 1:2

Magkahod kam nakwa ti masagana a kapayapaan sakay págpapala a gábwat tu Diyos dipo tu pákkatukoy moy tu Diyos sakay tu Panginoon tam a ti Jesu-Cristo.

2 Pedro 1:5

Dipo ti iye, sikapán moy a idagdag tu pánnampalataya moy u mágkaganda a ugale; u maganda a ugale, dagdagen moy ti karunungan;

2 Pedro 1:6

u karunungan ay dagdagen moy ti págpugád tu sadile; u págpugád ti sadile ay dagdagen moy ti katatagen; u katatagen ay dagdagen moy ti pagkamaka-Diyos;

2 Pedro 1:8

Itona hide a ugale u kailangan a ketan tu biyag moy sakay dapat palaguwán moy, tánni u kássampalataya moy tu Panginoon Jesu-Cristo ay awan mawanan ti kabuluhan sakay mapakinabangan.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.