2 Juan 1:12 - U Maganda A Baheta Ni Jesu-Cristo

¹² Makpalák pa nakwa a ikagi nikam pero awan ko dálla isulat. Dipo umasaák a makaangayák hina sakay makauhon takam tánni mas masaya kitam a tahod.

2 Juan 1:12 Σταυροειδείς Αναφορές

Juan 15:11

Kinagi ko nikam i bagayan iye hide, para makahate kam tu kasayaan ko sakay magin tunay u kasayaan moy.

Juan 16:12

Makpalák pa nakwa a kagiyán nikam, pero awan moy palla kaya a intendiyán nadid.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 3:29

Konna tu essa a bábbey a ikasal, u bábbey a ikasal ay para tu lállake a ikasal, u kaibigan nu ikasal ay masaya a maguhay tu káddemát nu lállake a ikasal. Konnaák bi hod, tunay i kasayaan kuwáy nadid ta angay dán u tolay hide tu kán Jesus.

Roma 15:24

asaan ko a mamágketa-keta kitam nadid. Tamuwák hina káangay ko ti Ispanya. Sakay tukoy ko a magin masayaák tu pamagketa tam maskin sabadit la a panahun. Asaan ko be a matulunganák moy tu káangay ko ti Ispanya kággábwat ko hina.

2 Timoteo 1:4

Maala-ala ko u págsanget mo tu itod sakay gugusto taka a ketan tánni magkahodák ti dakál a kasayaan.

Filemon 1:22

Sakay pánghandaák mo be ti tulusan ko dipo umasaák a sanigan nu Diyos u dasal mo a makasoliyák hina para bisitaán taka.

Hebreo 13:19

Higit tu atanan ay agidán ko a ipagdasalák moy a makasoliyák hina a agad nikam.

Hebreo 13:23

Gusto ko be a matukuyan moy a nakalaya dán u kapatkákka tam a ti Timoteo. Ni dumemát siya a pagdaka ay ikoyog ko siya káangay ko hina.

1 Juan 1:4

Insulat mi iye tánni magin tunay u kasayaan tam.

3 Juan 1:10

Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.