2 Juan 1:1 - U Maganda A Baheta Ni Jesu-Cristo

¹ Hikán a Tagapangasiwa u nagsulat ti iye. Iye a sulat ay para tu pinile nu Diyos a bábbey sakay tu anak na hide a mahal ko a tahod. Bakán la a hikán u nagmahal nikam nan pate u atanan a nakatukoy tu tatahoden.

2 Juan 1:1 Σταυροειδείς Αναφορές

Lukas 1:3

Kanya inadal ko be ti husto u atanan a bagay tungkul ti nangyariyan iye hide, sinapul ko tu sapul na. Naisip ko a maganda be ni magsulaták ti essa a maayus a istorya para nikam

Juan 8:32

Matukuyan moy u tatahoden tungkol nikan, sakay u tatahoden a itod u mangpalaya nikam.”

Gimet 11:30

Konna ngane hod u ginimet de, inpatawed de u tulung de tu pinuno de hide ti pánnampalataya tu pamamag-itan di Bernabe sakay ti Saulo.

Roma 16:13

Ikumustaák moy be ni Rupo, a essa a mahusay a tagapaserbi nu Panginoon. Ikumustaák mu be tu ina na a kumán ko dán be a ina.

Galacia 2:14

Nikuna ketan ko a awan dán ayun tu Maganda a Baheta u gággimitán de ay kinagi ko ni Pedro tu atubang de a atanan, “Hiko ay Judio pero kumán ka dán a Hentil dipo kuman ka a kaguman de. Pero nadid ay bakin páppilitán mo u Hentil hide a mabiyag a konna tu kákkabiyag nu Judio hide? Dipo nikuna a awan ka dán kuman a kaguman de, kumán mu labe a kinagi a u kapareho mula a Judio u nebabagay a kuman a kaguman mo.”

Galacia 2:5

Pero maskin nikan ay awan kame immayun tu gusto de, tán maingatan me u tunay a kahulugan nu Maganda a Baheta para nikam.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 5:7

Maganda dán nakwa u kássunud moy tu tatahoden a pánnampalataya. Ti deya u nangpugád nikam a diyan itulos u kássunud moy tu tatahoden?

Colosas 1:5

dipo tu pag-asa a matanggap moy u nehanda para nikam ti langet. Natukuyan moy u tungkul ti pag-asaan iye nikuna a ibaheta nikam u upos nu tatahoden; iye u Maganda a Baheta a dimmemát nikam.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

Hebreo 10:26

Dipo ni tulos-tulos kitam palla a maggimet ti kasalanan, maski ni natukuyan tamon sakay natanggap u tatahoden ay awan dán ti mealay para tu kapatawaden nu kasalanan tam.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Pedro 5:1

Hikam a pinuno hide nu mánnampalataya hide, mákkekagbiyák nikam bilang essa be a konna nikam. Tistiguwák tu pághirap ni Cristo, sakay kabahagiyák be tu karangalan na a adene dán a mehayag. Mákkekakagbiyák nikam

1 Pedro 5:13

Mákkumusta nikam u kákkapatkákka tam a katoy ti Babilonia, u pinile hide nu Diyos a kapareho tam labe a mánnampalataya. Mákkumusta be nikam ti Markos a mahal ko a anak ti pánnampalataya.

1 Juan 2:21

Magsulaták nikam bakán a dipo awan moy palla tukoy u tatahoden nan dipo tukoy moy dán iye. Sakay tukoy moy be a awan ti kakabuliyan a maggábwat tu tatahoden.

1 Juan 3:18

Anak ko hide, u págmahal tam ay dapat bakán la atu upos, nan ipeta tam tu pamamag-itan nu gimet tam a ayun tu tatahoden.

2 Juan 1:13

Kumusta ka kan kagi nu anak hide nu kapatkákka mo a bábbey a pinile be nu Diyos a kapareho mo.

2 Juan 1:5

Nadid pinile nu Diyos a bábbey, te iyohunák niko. Iye a sulat ko niko ay awan bigu a kautusan nan u date a kautusan a sapul pa ti sapul ay tukoy tamon. Iye ay u kautusan a magmahalan kitam a atanan.

3 Juan 1:1

Hikán a Tagapangasiwa u nagsulat ti iye. Iye a sulat ay para tu pinakamamahal ko a amigu a ti Gayo.