2 Corinto 8:6 - U Maganda A Baheta Ni Jesu-Cristo

⁶ Dipo ti iye ay naisip me a maganda nakwa ni itulos moy u pággipun tu tulung para tu mágkahirap hide. Kaya ti Tito a nangsapul ti gawainan iye hina nikam ay inuhon me a magsole hina para tapusán na u sinapulan na a pággipun tu tulung moy.

2 Corinto 8:6 Σταυροειδείς Αναφορές

Gimet 24:17

Sangan dán a taon a awanák ti Jerusalem; nagsoliyák para magtugán ti tulung tu kalugaran ko hide, sakay mag-alay tu Diyos.

Roma 15:25

Pero nadid, kailangan ko pa umangay ti Jerusalem tánni iyangay ko u tulung tu kákkapatkákka hod.

2 Corinto 12:18

Nákpágguhunák ni Tito a umangay hina sakay pinákkuyog ko nikuna u essa tam a kapatkákka. Dinaya kam beman ni Tito? Awan! Dipo eessa a Ispirito u sássunudán me sakay eessa u layunin me.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

2 Corinto 8:10

Sakay sa iye u mepayo ko tungkul hina: itulos-tulos moy u pángngatád a nasapulan tu taon he. Hikam u nángdipalongo bakán la a tu pággimet nan pate tu págplano.

2 Corinto 8:19

Sakay bakán la a ina! Siya u pinile nu mánnampalataya hide a makaguman me tu págbiyahe tánni matulungan di kame tu pángngasiwa a págtugán tu iambag moy ti Judea. U konna he a págserbi ay para tu kadakilaan nu Panginoon, sakay para mepeta me u kagustuwan me a makatulung.

2 Corinto 8:23

Tungkul ni Tito, siya u kaguman ko sakay katulung ko tu gawain. Tungkul be tu kákkapatkákka a kaguman na, hide u pinaangay nu mánnampalataya hide. Sakay ti Cristo u maparangalan dipo tu gawain de hide.

2 Corinto 8:4

mákkekakagbi hide nikame a atádden hide ti pagkakataun a makatulung tu kákkapatkákka ti Judea.

2 Corinto 9:5

Kaya naisip ko a mágdipalongo dálla hina u kákkapatkákka tam bagu hikán tánni mehanda de u tulung a inpananto moy. Tánni konna hod ketan a magaan tu pággisipan moy u pángngatád moy bakán a sapilitan.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.