2 Corinto 8:10 - U Maganda A Baheta Ni Jesu-Cristo

¹⁰ Sakay sa iye u mepayo ko tungkul hina: itulos-tulos moy u pángngatád a nasapulan tu taon he. Hikam u nángdipalongo bakán la a tu pággimet nan pate tu págplano.

2 Corinto 8:10 Σταυροειδείς Αναφορές

Mateo 10:42

Sakay ni ti deya u mangatád maski essa baso a dinom tu pinakababa a disepulus ko ay kagiyán ko nikam a talaga makatanggap siya ti gantimpala a gábwat tu Diyos.”

Juan 11:50

Awan moy beman naisip a mas maganda a matay u essa a tolay para tu banuwan na kasera ni mepahamak u buo a bansa?”

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

Juan 18:14

Siya u nagpayo tu puno nu Judio hide a mas maganda a essa la u matay a tolay kasera mepahamak u buo a bansa.

1 Corinto 10:23

Tehhod be a magkagi ti konna he, “Malayaák a maggimet ti maskin ánya a bagay,” pero awan atanan ay makapangatád ti maganda. “Malayaák a maggimet ti maskin ánya a bagay,” pero bakán a atanan ay makatulung.

1 Corinto 16:2

Kada dipalongo a aldew nu sasimba ay mangsáddi dán u balang essa ayun tu kitaán na, sakay ipunán itod para awan dán kailangan a magaged ti tulung káddemát ko hina.

1 Corinto 6:12

Tehhod a magkagi hina a: “Maariyák a maggimet ti maski ánya.” Pero awan atanan a bagay ay makatulung nikam. Maari ko be a kagiyán, “Maariyák a maggimet ti maski ánya,” pero awanák magpaalipin tu ánya man a bagay.

1 Corinto 7:25

Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

2 Corinto 12:1

Nadid, dipo kailangan ko a mágmadakál, maski tukoy ko a awanák ti pakinabang tu pággimet ti iye, ay itulos-tulos ko. U kagiyán ko nadid ay u pangitain sakay mensahe hide a gábwat tu Panginoon.

2 Corinto 8:6

Dipo ti iye ay naisip me a maganda nakwa ni itulos moy u pággipun tu tulung para tu mágkahirap hide. Kaya ti Tito a nangsapul ti gawainan iye hina nikam ay inuhon me a magsole hina para tapusán na u sinapulan na a pággipun tu tulung moy.

2 Corinto 8:8

Awan ko iye kagiyán para utusan takam; nan kagiyán ko la iye a káttulung nu agum a simbaan tánni mepeta moy nikame u katapatan nu págmahal moy.

2 Corinto 9:2

Dipo tukoy ko a handa kamon a tumulung, sakay impagmadakál takam pa tu taga-Macedonia hide. Kinagi ko a handa kamon a taga-Acaya hide, tu nakalipas pa he a taon; kaya makpal u nalukag tu págtulung dipo tu págmalasakit moy.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.