2 Corinto 7:5 - U Maganda A Baheta Ni Jesu-Cristo

⁵ Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

2 Corinto 7:5 Σταυροειδείς Αναφορές

Gimet 20:1

Nikuna immimang dán u kaguluwan ay pinadulaw ni Pablo u mánnampalataya hide sakay pinayuwan na hide a magpakatatag. Káttapos ay nagpaalam siya sakay immangay ti Macedonia.

Roma 15:26

Dipo masoh u kákkapatkákka hide ti Macedonia sakay Acaya a magkulekta ti tulung para tu mágkahirap hide a kákkapatkákka ti Jerusalem.

1 Corinto 15:31

Awan ti odas a awanák katoy tu dilikadu a kalagayan, kákkapatkákka! Ni kodya a tatahoden a ipágmadakál takam dipo tu pákpagkaessa tam ni Cristo Jesus a Panginoon tam, tatahoden be i kagiyán kuwan iye!

1 Corinto 16:5

Bumisitaák hina kággábwat ko ti Macedonia, dipo kailangan ko a humoyot hod.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

2 Corinto 2:3

Kaya nagsulaták pa nikam. Tánni, káangay ko hina ay bakán dán a lungkut u iyatád moy nikán, nan hikamon u mangpasaya nikán. Dipo maniwalaák a u kasayaan ko ay kasayaan moy be.

2 Corinto 2:9

Dipo iye u dahilan ni bakin a nagsulaták nikam, para matukuyan ko ni sássunudán moy ti husto u atanan a impáppangaral ko.

Galacia 4:11

Mabalisaák bakay ni masayang la i pagud kuwáy para nikam.

1 Tesalonica 3:5

Kaya ngane, nikuna a awanák dán makatiis ay nangutusák ti umangay hina tánni ilingán ni kumusta dán u pánnampalataya moy tu Panginoon. Mabalisaák bakay ni nalinlang kamon ni Satanas, ay ni mara konna hod i mangyariyay ay mawanan ti serbi u pángngaral me.