2 Corinto 7:4 - U Maganda A Baheta Ni Jesu-Cristo

⁴ Grabi ti kadakál u págtiwala ko nikam, lagi takam a ipagmadakál! Maski makpal kame a tiniis, u mabate ko ay kasayaan a awan ti kapareho.

2 Corinto 7:4 Σταυροειδείς Αναφορές

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Roma 5:3

Sakay masaya kitam maske ni maranasan tam u hirap hide, dipo matuto kitam a magtiis.

1 Corinto 1:4

Pirmiyák a magpasalamat tu Diyos dipo tu págpapala a inyatád na nikam tu pamamag-itan ni Cristo Jesus.

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 1:4

Pinabegsák na kitam tu kalungkutan tam hide para makatulung kitam be tu maglungkut hide, tu pamamag-itan nu kasayaan a natanggap tam tu Diyos.

2 Corinto 10:8

Dipo maski susubra dán u págmadakál ko tu kapangyariyan a inyatád nu Diyos nikán ay awanák masanike dipo iye ay pángpasibát tu pánnampalataya moy bakán a para tu kákkepahamak moy.

2 Corinto 11:21

Makasani-sanike man, aminán ko a mahinaák ngane dipo awan ko kaya a gimitán ina! Pero ni tehhod a magmadakál ay makapagmadakállák be maski ni kumánnák a essa a awan ti tukoy.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

2 Corinto 3:12

Dipo ti pag-asa miyan iye, ay mabegsák u pággisipan me a ibaheta u upos nu Diyos.

2 Corinto 7:14

Dipo impagmadakál takam nikuna tu itod, sakay nadid ay napatunayan na a tatahoden u atanan a kinagi ko nikuna tungkul nikam kanya awanák nasanike.

2 Corinto 8:24

Kaya ipabate moy nide u tapat moy a págmahal tánni ketan nu mánnampalataya hide a awan kame nagkamale tu pángmadakál me tungkul nikam.

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Filipos 1:26

Sakay ni makasoliyák dán hina nikam ay lalu moy a papuriyan ti Cristo dipo nikán.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,