2 Corinto 7:3 - U Maganda A Baheta Ni Jesu-Cristo

³ Awan ko iye kagiyán para págngállan takam. Konna ngane tu kinagi ko nikam, mahal takam a tahod. Kaya biyag man oni kamatayan awan magbagu u págmahal ko nikam.

2 Corinto 7:3 Σταυροειδείς Αναφορές

2 Corinto 11:11

Bakin ginimet ko iye? Dipo beman a awan takam mahal? Tukoy nu Diyos, a mahal takam a tahod!

2 Corinto 12:15

Masayaák maski ni iyatád ko u atanan a hod nikán sakay maski ni iyalay ko u biyag ko para tu kapiyyaan moy. Ni minahal takam ti husto, bakin awanák moy mamahal ti konna hod?

2 Corinto 13:10

Insulat ko iye hide a bagay mentras awanák palla hina, tánni káddemát ko ay awan ko dán kailangan a magpakatapang tu pánggamit tu kapangyariyan a inyatád nikán nu Panginoon. Iye a kapangyariyan ay inyatád na nikán para gamitán tu kapiyyaan moy, bakán a tu kasidaan moy.

2 Corinto 3:2

Hikamon u patunay me, a kumán a nakasulat dán tu puso me. Dipo u kákkabiyag moy ay kumán a sulat a matenggi sakay mabasa nu atanan a tolay.

2 Corinto 7:12

Tukoy nu Diyos a u sulat ko nikam, ay bakán la a para tu nagkasala oni tu nagkasalaan na, nan tánni ipeta ko nikam tu atubang nu Diyos a hikam ay tunay a tapat nikán.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

1 Tesalonica 2:8

Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.