2 Corinto 6:4 - U Maganda A Baheta Ni Jesu-Cristo

⁴ Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

2 Corinto 6:4 Σταυροειδείς Αναφορές

Lukas 21:19

Tu pagtiis moy ay magkahod kam ti biyag a awan ti kahád.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Gimet 20:34

Tukoy moy a nagtarabahuwák ti husto tánni mabiyag kame ay tu kakaguman ko hide.

Gimet 9:16

sakay ipeta ko nikuna atanan hirap a kailangan na a danasán dipo nikán.”

Roma 14:18

U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Roma 16:10

Ikumustaák moy be ni Apeles a essa a matapat a magserbi ni Cristo. Ikumustaák moy be tu sabilay ni Aristobulo,

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 4:1

Nadid, dapat u pangileng moy nikame ay tagapagserbi ni Cristo sakay katiwala a mángpahayag tu upos nu Diyos a date a awan ti makatukoy.

1 Corinto 9:11

Minulaan mikam ti ispiritwal a págpapala; kanya awan beman dapat la a magane kame nikam tu kailangan me hide?

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

2 Corinto 12:12

Buo ko a tiyaga a pinatunayan nikam a hikán ay tunay a apostol tu pamamag-itan nu makataka-taka hide sakay u agum pa a tanda.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 4:8

Páppahirapan di kame ti husto pero awan kame summuko. Ni minsan, ay awan me tukoy u gimitán me pero awan padi mawanan ti pag-asa.

2 Corinto 7:11

Ilingán moy u inyatád nu kalungkutan a ayun tu kaluuban nu Diyos. Dipo ti ina ay nagin masigasig kam a patunayan a awan kam ti kasalanan tungkul tu bagay hide a kinagi ko. Naiyamut kam tu gimet a madukás sakay nagkahod kam ti ánteng. Nagin masigasig kam a mesole u date tam a pamággagum. Sakay pinarusaan moy a agad u te kasalanan hide. Pinatunayan moy dán ina nikán a áwan kam ti tukoy ti kasalananan itod.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

1 Tesalonica 3:7

Dipo tu nabaheta me a matibay u pánnampalataya moy ni Cristo, kákkapatkákka, ay nasaya kame maski makpal kame a kabalisaan sakay kahirapan.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

1 Timoteo 2:15

Pero maligtas u bábbey tu pággenak na ni magtulos-tulos siya tu pánnampalataya na, págmahal, pagin banal sakay malinis a kákkabiyag.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 2:24

Dipo u tagapagserbi nu Diyos ay awan dapat mákpágdadima; nan mabait a mákpággagum tu atanan, sakay malalake a magtoldu. Dapat be siya a mapagpugad,

2 Timoteo 4:5

Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.