2 Corinto 5:9 - U Maganda A Baheta Ni Jesu-Cristo

⁹ Kaya ngani, u pinakagugusto me ay makasaya kame tu Diyos, he man ti munduwáy oni ti langet.

2 Corinto 5:9 Σταυροειδείς Αναφορές

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Gimet 10:35

Nasaya siya tu tolay a te ánteng nikuna sakay u maggimet ti tama, maskin ánya a ka lahe.

Roma 14:18

U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Roma 14:8

Ni hikitam ay mabiyag ay mabiyag kitam para tu Panginoon, sakay ni matay kitam, matay kitam para tu Panginoon. Kanya mabiyag kitam man oni matay ay he kitam tu Panginoon.

Roma 15:20

U pinakagugusto ko ay mepangaral u Maganda Baheta tu lugar hide a awan palla nepangaral ti Cristo tánni awanák makapangaral tu lugar a tehhod dán a tarabaho a sinapulan nu iba.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 5:6

Kaya pirme a mabegsák u pággisipan me maski ni tukoy me a mentras biyag kitam palla, ay awan kitam palla makasáddáp tu bilay a inhanda nu Panginoon.

2 Corinto 5:8

Kaya awan kame panghinaan ti isip maski u gusto me ay iwahak dán i bággiyan iye tánni makaguman mi dán u Panginoon.

Efeso 1:6

Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 1:29

Iye u gustu ko a matupad kaya magpakahirapák a magtoldu tu pamamag-itan nu kapangyariyan ni Cristo a magahikad nikán.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

1 Tesalonica 4:11

Pilitán moy a mabiyag ti tahimik sakay pospusán moy u sadili moy a gimet. Sakay magtarabaho kam tánni mabiyag kam, konna tu intoldu mi nikam.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

Hebreo 12:28

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng;

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.